નવી દિલ્હીઃ કર્મચારી ભવિષ્ય નિધિ સંગઠન(EPFO)ની પેન્શન યોજના ‘EPS’ની અંદર આવતા કર્મચારીઓ માટે આ બેજટમાં સારા સમાચાર આવી શકે છે.આ ક્ષેત્રના એક્સપર્ટનું એવું માનવું છે કે આ યોજના અંતર્ગત ન્યૂનતમ પેન્શન રકમને વધારવાની જાહેરાત સરકાર કરી શકે છે. હાલના EPFના નિયમ મુજબ એમ્પ્લોયર એમ્પ્લોઈના પીએફ એકાઉન્ટમાં જે યોગદાન કરે છે તેમાં 8.33 ટકા ભાગ પેન્શન સ્કીમમાં જાય છે. એટલે કે એમ્પ્લોયરના કુલ 12 ટકા યોગદાનમાંથી માત્ર 3.87 ટકા ભાગ જ પીએફમાં જાય છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો બેજેટમાં EPS ઉપરાંત અટલ પેન્શન યોજના(EPY)માં પણ ફેરફાર અને એનપીએસમાં વધારે છૂટછાટ આપી શકે છે. નાણામંત્રી નિર્મલા સીતારમણ એક ફેબ્રુઆરી 2020-21નું બજેટ રજૂ કરશે. શ્રમિક સંગઠનોનું કહેવું છે કે સરકાર જ્યારે અસંગઠિત ક્ષેત્રમાં કામ કરતા કર્મચારીઓ અને વેપારીઓ માટે 3000 રૂપિયાનું પેન્શન આપવાની સુવિધા કરી શકે છે તો પછી સંગઠિત ક્ષેત્રમાં કામ કરતા કર્ચમારીઓને તેના કરતા ઓછું પેન્શન આપવાનો કોઈ અર્થ રહેતો નથી. શ્રમિક સંગઠન ભારતીય મજદૂર સંઘના મહાસચિવ બ્રિજેશ ઉપાધ્યયે આ અંગેની વાતચીતમાં કહ્યું, ‘અમે સરકારને ઈપીએસ અંતર્ગત ન્યૂનતમ પેન્શન રકમ 1000 રૂપિયાથી વધારીને 5000 રૂપિયા માસિક કરવા માટે પ્રસ્તાવ મૂક્યો છે. આ વખતના બજેટમાં ન્યૂનતમ પેન્શનમાં વધારો થાય તેવી આશા છે.’