નવી દિલ્હીઃ સરકારે ભારતી એરટેલમાં ફોરેન ડિરેક્ટ ઈન્વેસ્ટમેન્ટ (FDI)માં 49 ટકાથી વધારીને 100 ટકા કરવાની મંજૂરી આપી છે. કંપનીએ મંગળવારે શેર બજારને આ જાણકારી આપી હતી. ભારતી એરટેલને રિઝર્વ બેંકે પણ કંપનીમાં વિદેશી રોકાણને 74 ટકા સુધી રોકાણ રાખવાની અનુમતિ આપી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો કંપનીએ કરી ચૂકવણી શેર બજારને આપેલી સૂચના અનુસાર, ‘ભારતી એરટેલ લિમિટેડને ટેલિકોમ ડિપાર્ટમેન્ટ તરફથી 20 જાન્યુઆરી 2020ના રોજ વિદેશી રોકાણની સમયમર્યાદા વધારીને કંપનીની કેપિટલ રકમના 100 ટકા કરવાની મંજૂરી મળી છે.’ થોડા દિવસ પહેલા કંપનીએ કાયદાકિય ચૂકવણી તરીકે 35,586 કરોડ રુપિયાની ચૂકવણી કરી. જેમાં 21,682 કરોડ રુપિયા લાઈસન્સ કિંમત અને 13,904.01 કરોડ રુપિયા સ્પેક્ટ્રમના છે. જેમાં ટેલિનોર અને ટાટા ટેલીની ચૂકવણી સામેલ નથી. સુનીલ મિત્તલ પરિવાર પાસે માલિકી ભારતી ટેલિકોમે સિંગાપુરની સિંગટેલ અને અન્ય વિદેશી કંપનીઓ પાસેથી 4900 કરોડ રુપિયાના રોકાણ માટે ગત મહિને સરકાર પાસેથી અનુમતિ માગી હતી. 100 ટકા સુધી FDIની મંજૂરી પછી દેશની સૌથી જૂની ખાનગી ક્ષેત્રની આ ટેલિકોમ કંપની એક વિદેશી એકમ બની શકે છે. રતી ટેલિકોમ, ભારતી એરટેલની પ્રમોટર કંપની છે. 100 ટકા એફડીઆઈ મંજૂરીથી ભારતી ટેલિકોમમાં વિદેશી રોકાણ વધીને 50 ટકાથી વધારે થઈ જશે. જેથી એક વિદેશી માલિકી ધરાવતી કંપની બની જશે. હાલ સુનીલ ભારતી મિત્તલ અને તેમના પરિવારની ભારતી ટેલિકોમમાં આશરે 52 ટકા ભાગ છે. ભારતી ટેલિકોમની ભારતી એરટેલમાં આશરે 41 ટકા ભાગીદારી છે. પહેલા રિજેક્ટ થઈ હતી એપ્લિકેશન ટેલિકોમ વિભાગે આ પહેલા આ વર્ષની શરુઆતમાં ભારતી એરટેલના એફડીઆઈ એપ્લિકેશનને રિજેક્ટ કરી હતી, કારણકે કંપનીએ વિદેશી રોકાણ વિશે સ્પષ્ટ નહોતું કર્યું. સૂત્રએ કહ્યું કે વર્તમાનમાં ભારતી એરટેલમાં કુલ વિદેશી રોકાણ 43 ટકા છે. હાલની ભારતી ટેલિકોમના વિદેશી એકમ બનતાની સાથે જ કંપની (ભારતી એરટેલ) માં વિદેશી શેરહોલ્ડિંગ વધીને 84 ટકા જેટલું થઈ જશે.