બૉલિવૂડ સુપરસ્ટાર રાજેશ ખન્નાએ પોતાના કરિયરમાં ઘણી હિટ ફિલ્મ્સ આપી. ફિલ્મ્સ સાથે સાથે રાજેશ ખન્ના પોતાના કો-સ્ટારના કારણે પણ ઘણા ચર્ચામાં રહેતા. રાજેશ ખન્ના સફળતાના શિખરે હતા. બૉલિવૂડના ઘણા દિગ્ગજોએ રાજેશ ખન્ના સાથે ફિલ્મોમાં કામ કર્યુ છે. આ પૈકી જ એક છે અમિતાભ બચ્ચન. શું તમે જાણો છો કે એકદિવસ રાજેશ ખન્નાને સરપ્રાઈઝ આપવાની ઉતાવળમાં અમિતાભ ભૂલ કરી બેઠા હતા? આજે અમે તમને આ રોચક કિસ્સો જણાવીશું.
રાજેશ ખન્નાના ફેન હતા અમિતાભ
અમિતાભને આજે લોકો સદીના મહાનાયક સ્વરુપે જાણે છે પરંતુ આ ઘટના એ સમયની છે જ્યારે તેઓ આટલા બધા ફેમસ નહોતા થયા. તે સમયે અમિતાભ બચ્ચન રાજેશ ખન્નાના મોટા ફેન હતા. તેઓ રાજેશ સાથે કામ કરવા માગતા હતા. અમિતાભ બચ્ચને પહેલીવાર વર્ષ 1971માં રિલીઝ થયેલી ફિલ્મ ‘આનંદ’માં રાજેશ ખન્ના સાથે કામ કર્યું હતું.
સરપ્રાઈઝ આપવા માટે બનાવ્યો પ્લાન
આ ફિલ્મમાં સાથે કામ કરવા દરમિયાન અમિતાભ બચ્ચન રાજેશ ખન્નાને એક સરપ્રાઈઝ આપવા માગતા હતા. થયું કઈક એવું કે 28 ડિસેમ્બર 1970ના રોજ અમિતાભ બચ્ચનની કોઈપણ શૂટિંગ નહોતી. તેઓ સવારે ઉઠ્યા અને તૈયાર થઈને રાજેશ ખન્નાના ઘરે પહોંચી ગયા. અમિતાભ તેમને જન્મદિવસની શુભેચ્છાઓ પાઠવવા પહોંચ્યા હતા. તેમણે વિચાર્યુ હતું કે તેઓ આજનો આખો દિવસ તેમની સાથે જ વિતાવશે. પરંતુ અમિતાભ રાજેશ ખન્નાના ઘરે પહોંચ્યા અને પોતે જ સરપ્રાઈઝ થઈ ગયા. કેમકે તેમનો જન્મદિવસ 29 ડિસેમ્બર એટલે કે બીજા દિવસે હતો. રાજેશ ખન્નાને જ્યારે તેમના આગમન વિશે અમિતાભને પૂછ્યું તો તેમણે આખી વાત તેમને કરી.
અમિતાભ સાથે વિતાવ્યો દિવસ
આ ઘટના બાદ રાજેશ ખન્નાએ એ દિવસે અમિતાભ માટે પોતાની શૂટિંગ કેન્સલ કરાવી દીધી અને તેમની સાથે આખો દિવસ વિતાવ્યો. એ દિવસે બન્ને શક્તિ સાવંતના ઘરે ભોજન કરવા પણ ગયા. અમિતાભ બચ્ચન રાજેશ ખન્નાને સરપ્રાઈઝ આપવા ગયા પરંતુ રાજેશ ખન્નાએ તેમને જ સરપ્રાઈઝ આપી દીધો અને આખો દિવસ તેમની સાથે વિતાવ્યો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.