Ahmedabad Will Have To Pay Charges For Water Supply Gujarati News
અમદાવાદને ચૂકવવા પડશે હવે પાણી માટે પૈસા
I am Gujarat4 Apr 2017, 11:46 am
GWSSB બિલ મોકલાવશેઃ
ગુજરાત પાણી પુરવઠા અને ગટર સપ્લાય બોર્ડ (GWSSB) આ ઉનાળામાં ગામડાઓની પંચાયત, નગરપાલિકા અને રાજ્યના મ્યુનિસિપલ કોર્પોરેશનમાં પાણીના બિલ મોકલે તેવી ચર્ચા છે. ઉનાળો હજુ તો શરૂ થયો છે ત્યાં રાજ્યના અનેક વિસ્તારોમાં દુકાળની પરિસ્થિતિ ઊભી થઈ છે. બોર્ડે 2011-12થી વોટર સપ્લાય માટે ચાર્જ વસૂલવાનું બંધ કરી દીધું હતું. પાણી માટે ચાર્જ કરવાનો નિર્ણય વર્ષ 2007માં લેવાયો હતો. એ સમયે નિશ્ચિત કરાયું હતું કે ગ્રામ પંચાયતમાં 1000 લિટર પાણી દીઠ રૂ. 2, મ્યુનિસિપાલિટીમાં રૂ. 4 અને મ્યુનિસિપલ કોર્પોરેશન પાસેથી રૂ. 6 વસૂલવાનો નિર્ણય લેવાયો હતો.
હવે નવા ભાવે અપાશે પાણી?
GWSSBએ પાણીના બિલ જ ન મોકલાવ્યા હોવાની વાત ત્યારે પ્રકાશમાં આવી હતી જ્યારે સ્વતંત્ર ઑડિટરે તેના વર્ષ 2015-16ના રિપોર્ટમાં આ બાબત તરફ ધ્યાન દોર્યું હતું. રિપોર્ટમાં જણાવ્યા મુજબઃ GWSSBએ ગામડામાં 1000 લીટર સપ્લાય દીઠ બિલ મોકલવાની જરૂર છે. જો કે નાણાંકીય વર્ષ 2011-12 સુધઈ કેટલાંક ડિવિઝને જૂના ભાવ મુજબ જ બિલ બનાવ્યા હતા. GWSSBના વરિષ્ઠ અધિકારીઓના જણાવ્યા મુજબ સરકારના 2007ના GR મુજબ આ વોટર સપ્લાયના ભાવમાં 10 ટકાનો વધારો કરવા જણાવાયું હતું. જો કે સરકારે ભાવ વધારવા માટે કોઈ ઓર્ડર ન કરતા જૂના ભાવે જ પાણી અપાતું હતું.
નાણાંકીય ભીડમાં પાણી પુરવઠા બોર્ડઃ
GWSSBના અધિકારીઓના જણાવ્યા મુજબ બોર્ડ રાજ્યમાં દરરોજ 3250 મિલિયન લિટર પાણીનો સપ્લાય કરતું હતું. બોર્ડે પંચાયતો, મ્યુનિસિપાલિટી અને કોર્પોરેશન પાસેથી રૂ. 800 કરોડ વસૂલવાના છે. ફંડ ન હોવાને કારણે વોટર બોર્ડને પાણીનો પુરવઠો આપવામાં મુશ્કેલી પડી રહી છે. આથી બોર્ડ ફરી એક વાર પંચાયતો અને કોર્પોરેશન પાસેથી ફંડ ઊભું કરવાનો રસ્તો શોધી રહ્યું છે. અધિકારીઓના જણાવ્યા મુજબ તેમણે સરકારને એવો પ્રસ્તાવ મોકલ્યો છે કે જો તે આ રૂપિયા ભરવામાં નિષ્ફળ જાય તો સરકાર તેમને આપેલી ગ્રાન્ટમાંથી રૂપિયા કાપીને તે રૂપિયા વોટર બોર્ડને આપી દેશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.