અમદાવાદ: ગુજરાત હાઈકોર્ટે પોતાના એક મહત્વના ચુકાદામાં નોંધ્યું કે પોકરની રમત સાથે કૌશલ્ય જરુરી પ્રમાણમાં સંકળાયેલું નથી જેથી પોકરની રમત એ જુગાર છે. ઈન્ડિયન એસોસિયેશન ઓફ પોકર અને વિવિધ ગેમિંગ ઝોન્સ દ્વારા કરાયેલી અરજીઓ અમાન્ય રાખતા જસ્ટિશ આર એચ શુક્લાએ જણાવ્યું કે પોકરની રમત સાથે સંકળાયેલ ભૂતકાળ તે સંભાવના અને ની રમત હોવાનું જણાવે છે.
કાયદો બનાવવાનો હક
USA જેમ જુગાર માટે લિમિટેડ સ્પેસમાં પરવાનગી આપે છે તેવી રીતે હાઈકોર્ટે અરજદારોને પોકર લાયસન્સ આપવાની ના પાડી દીધી છે. રાજ્યમાં જુગાર પ્રતિબંધને લગતા કાયદાઓના આધારે હાઈકોર્ટ દ્વારા આ નિર્ણય લેવામાં આવ્યો છે. હાઈકોર્ટે નોંધ્યું કે સરકારને આ અંગે કાયદો બનાવવાનો અધિકાર છે.
હાઈકોર્ટનું નીરિક્ષણ
હાઈકોર્ટે વિદેશની અદાલતો દ્વારા અપાયેલા ચુકાદાઓ અને અન્ય લેખોનો સંદર્ભ ટાંકતા કહ્યું હતુ કે, ‘પોકરએ ફ્લેશની ગેમમાંથી ઉદ્ભવેલી રમત છે, જેને ભારતમાં તીન પત્તી તરીકે ઓળખવામાં આવે છે. આ સિવાય સુપ્રીમ કોર્ટ દ્વારા પણ નીરિક્ષણ કરાયું છે કે બ્રેગ, ફ્લેશ અને તીન પત્તીએ નસીબ સાથે સંકળાયેલી રમતો છે.’ તેથી હાઈકોર્ટ પોતાના ચુકાદામાં નોંધ્યું કે, ‘પોકરની રમત તેની પકૃતિ અનુસાર સંભાવનાની રમત છે. જો આ રમત સાથે કૌશલ્ય સંકળાયેલું હોય તો પણ તેમાં દાવ લગાવાતા હોવાથી તે જુગાર જ કહેવાય. તેથી જ આ ગેમમાં બેડ લક, બેડ બીટ, અને અનલકી સ્ટ્રીક જેવા શબ્દો છે.’
રમી નથી જુગાર
હાઈકોર્ટે નોંધ્યું કે, ‘રમી’ જો દાવ લગાવવામાં ન આવે તો કૌશલ્ય સાથે સંકળાયેલી રમત છે. જ્યારે પોકરએ કાર્ડ્સ સાથે રમાતી જુગારની રમત છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.