રાજકોટઃ સૌરાષ્ટ્રના કુખ્યાત બલી ડાંગરના નજીકના સાથી મુશ્તાક મિરની જમીનની અદાવતમાં હત્યા કરી દેવાઇ છે. મુશ્તાકને ચાર શખ્સોએ 10 ગોળીઓઓ ધરબી દીધી છે. મુશ્તાક(ઉ. 36 વર્ષ) અને તેનો ભાઇ આરીફ જ્યારે સનાળા રોડ પર પોતાની મોટરસાઈકલ પર જઇ રહ્યાં હતાં ત્યારે આ બનાવ બન્યો હતો. બે બાઈમાં આવેલા ચાર શખ્સોએ મુશ્તાકને 10 ગોળીઓ ધરબી દીધી હતી. પોતાની ભાઈની હત્યા માટે આરીફે સનાળા ગામના પૂર્વ સરપંચ હિતેન્દ્રસિંહ ઝાલા, તેના ભાઈ ધરમેન્દ્રસિંહ અને બે અજાણ્યા શખ્સો પર આરોપ લગાવ્યો છે. આરીફ અને મુશ્તાક જમીન અને સંપત્તિની દલાલી સાથે સંકળાયેલા હતા. પોતાની ફરિયાદમાં આરીફે જણાવ્યું છે કે મુશ્તાક અને હિતેન્દ્રસિંહને સનાળા રોડ પર આવેલી 2,580 sq ફીટની જમીનને લઇને છેલ્લા પાંચ વર્ષથી વાંધો ચાલી રહ્યો હતો. આ મામલે મોરબીના ડેપ્યુટી સુપરીટેન્ડન્ટ KB ઝાલાએ અમારા સહયોગી અખબાર ‘ટાઈમ્સ ઓફ ઈન્ડિયા’ સાથેની વાતચીતમાં જણાવ્યું કે મુશ્તાક વિરુદ્ધ 19 અપરાધિક કેસો ચાલી રહ્યાં છે. જેમા બે હત્યા, સાત અન્ડર પ્રોહિબેશન એક્ટ, ચાર હુમલાના અને અપહરણ, બળજબરી જમીન પડાવી લેવા જેવા આરોપો સામેલ છે. બલી ડાંગરને આશ્રય આપવા બદલ તેની ધરપકડ કરાઇ હતી અને તે જામીન પર છોડાયો હતો. પોલીસે આ મામલે ઘટનાસ્થળ પરથી પાંચ ખાલી કાર્ટ્રિજ્સ મેળવ્યા છે અને આગળની કાર્યવાહી શરુ કરી દીધી છે.
કુખ્યાત બલી ડાંગરના સાથીને 10 ગોળીઓ ધરબી દેવાઈ
I am Gujarat 6 Apr 2017, 12:13 pm