દુનિયાના સૌથી ઉંચા યુદ્ધ ક્ષેત્ર સિયાચિનમાં હિમસ્ખલનમાં ફસાયેલા સાથી સૈનિકોને બચાવવામાં કેપ્ટન સચિન બાલીએ પોતાના હાથ-પગની 9 આંગળીઓ ગુમાવી હતી. આ પછી તેણે નવી જિંદગી જીવવાની શરૂઆત કરતાં મેનેજમેન્ટની કોમન એડમિશન ટેસ્ટ આપી હતી. આ વખતે નસીબે તેને દગો આપ્યો નહોતો. તે આઇઆઇએમમાં અભ્યાસ કરવા લાગ્યો હતો. IIMમાંથી અભ્યાસ કર્યા પછી હવે તેઓ ગુરૂગ્રામની એક મોટી કંપનીમાં કામ કરી રહ્યાં છે.
મરાઠા લાઇટ ઇન્ફેન્ટ્રીમાં હતાં
સચિન બાલી 2000માં લેફ્ટનન્ટ ભારતીય સેનાની મરાઠા લાઇટ ઇન્ફેન્ટ્રીમાં ભરતી થયા હતાં. ભારતીય સેનાની સૌથી જૂની રેજીમેન્ટમાંથી એક મરાઠા લાઇટ ઇન્ફેન્ટ્રીમાં ભરતી થયા હતાં. ભારતીય સેનાની સૌથી જૂની રેજીમેન્ટમાંથી એક મરાઠા લાઇટ ઇન્ફેન્ટ્રીના 250 વર્ષ પૂરા થવા જઇ રહ્યાં છે. આ રેજીમેન્ટમાં શીખેલા દાવપેચ કોર્પોરેટ સેક્ટરમાં ઉપયોગ કરી રહ્યાં છે. સચિને શુક્રવારે પોતાના શરૂઆતના દિવસો યાદ કર્યા હતાં. તેમણે જણાવ્યું હતું કે આફ્રિકામાં યુએન મિશનમાં એક વર્ષ કામ કર્યા પછી મને સિયાચિનમાં નિયુક્તિ મળી હતી.
બરફવર્ષાના કારણે નડી અડચણ
તેમણે જણાવ્યું 2002માં માર્ચની વાત છે જ્યારે મને સૂચના મળી હતી કે હિમસ્ખલનમાં છ સૈનિકો દબાઇ ગયાં હતાં. આ વિસ્તારનું તાપમાન -55 ડિગ્રી સેલ્સિયસથી -60 ડિગ્રી સેલ્સિયસ સુધી હતું. જ્યાં બહારના વાતાવરણમાં 2 કલાકથી વધારે રહી ના શકાય. જ્યાં સૈનિક દબાયેલા હતાં ત્યાં તો 45 મિનિટ થાય તેમ હતું. પરંતુ બરફવર્ષાના કારણે રેસ્ક્યૂ માટે 10 લોકોની ટીમને પહોંચવા માટે 6 કલાક લાગ્યાં હતાં. આ ટીમમાં સચિન ફર્સ્ટ ગ્રુપમાં હતાં. જેથી બરફ વચ્ચે રસ્તો સાફ કરવાનો હતો. તે સમયે પાકિસ્તાન સાથે સીઝફાયર ન હોવાના કારણે ગોળીબારનો પણ ડર હતો. જેથી હેલિકોપ્ટરથી જવા માટે પણ ભયજનક હતું.
હિમદંશમાં ગુમાવી આંગળીઓ
રાહત અભિયાન હેઠળ રહ્યાં પછી પણ 5 સૈનિકોને બચાવી શકાયા નહોતાં. આ બચાવ અભિયાનમાં ઠંડા વાતાવરણ વચ્ચે રહેનાર સચિનના હાથની 6 અને પગની 3 આંગળીઓ હિમદંશના કારણે ખવાઇ ગઇ હતી.
આ કારણે નોકરી છોડી
સેનાએ તેના કામ માટે સન્માનિત કર્યા હતાં અને દેશની સેવામાં જ રહેવાનું કહ્યું પરંતુ તેમને લાગ્યું કે જેવી તેમની શારીરિક સ્થિતિ છે તેવી હાલતમાં તેઓ પોતાનું બેસ્ટ કામ નહીં આપી શકે. આથી તેણે નોકરી છોડવાનો નિર્ણય લીધો હતો.
આ રીતે આવ્યાં કોર્પોરેટ સેક્ટરમાં
કરિયરમાં ફરીથી તેમણે એક નવો સંઘર્ષ કર્યો. મેનેજમેન્ટની અભ્યાસ માટે તેમણે CATની તૈયારી કરી હતી. તેમનું પરિણામ સારૂં આવ્યું હતું. ત્યાંથી પાસઆઉટ થયા પછી તેઓ કોર્પોરેટ સેક્ટરનો ભાગ બન્યાં હતાં.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.