નવી દિલ્હી: સંસદના બંને ગૃહોમાં વડાપ્રધાન નરેન્દ્ર મોદીના રાષ્ટ્રપતિના અભિવાદન પર જવાબ આપતા બુધવારે એકસાથે ઘણા મોરચા ખોલ્યા, તો ઘણા નવા સંકેતો પણ આપ્યા. એક રીતે વડાપ્રધાને 2019 માટે પોતાના ચૂંટણી અંદાજની એક ઝલક પણ દેખાડી. પીએમ મોદી છેલ્લા ચાર વર્ષ દરમિયાન દર વર્ષે અભિવાદન પર બંને ગૃહોમાં સરકાર તરફથી જવાબ આપતા રહ્યાં છે. પરંતુ આ પહેલા મોદીએ આનો ઉપયોગ પોતાના કામકાજ ગણાવવા માટે કર્યો હતો. આ વખતે એ તો કર્યું જ પણ કૉંગ્રેસ પર પ્રહાર કરવાનું ફોકસ રાખ્યું. પીએમ મોદીએ ભાષણમાં ચાર મુખ્ય સંકેતો આપ્યા :
70 વર્ષ વિરુદ્ધ પાંચ વર્ષ
વડાપ્રધાન મોદીએ બંને ગૃહોમાં પોતાની સ્પીચને 70 વર્ષ વિરુદ્ધ 5 વર્ષના દાયરામાં રાખી. આના માટે તેમણે નેહરુથી માંડીને મનમોહન સરકારની તમામ વાતોને સામે મૂકીને પોતાના પાંચ વર્ષના કામની તુલના કરી. આ જ થીમ પીએમ મોદી અને બીજેપીના 2019ના ચુનાવી સફરનો પણ હોઈ શકે છે.
જૂનું ઈન્ડિયા વિરુદ્ધ ન્યૂ ઈન્ડિયા
મોદી 2022માં ન્યૂ ઈન્ડિયા લાવવાની વાત કરતા રહ્યાં છે. આ માટે તેઓ ઘણી યોજનાઓની ઘોષણા પણ કરી ચૂક્યા છે. પરંતુ વિપક્ષ તેમની પાસે 2019 સુધીનો હિબાસ માગતો રહ્યો છે. આની વચ્ચે મોદી આ વાદ-વિવાદને તેમના ન્યૂ ઈન્ડિયાની કલ્પના અને કૉંગ્રેસના ઓલ્ડ ઈન્ડિયાની વાત જનતા વચ્ચે લાવવાના પ્રયત્નો કરી રહ્યાં છે.
કોંગ્રેસ-ગાંધી પરિવાર પર એટેક, બાકી પર રહેમ
પોતાના એનડીએ સહયોગીઓની નારાજગીનો સામનો કરી રહેલા પીએમ મોદીએ બંને ગૃહોમાં પોતાના હુમલા મુખ્ય રીતે કોંગ્રેસ અને ગાંધી પરિવાર સુધી જ મર્યાદિત રાખ્યા. 2019 સામાન્ય ચૂંટણીઓ પહેલા આ તેમની લાંબાગાળાની રણનીતિ માનવામાં આવી રહી છે. તેમના હુમલાના કેન્દ્રમાં હજુ કોંગ્રેસ જ રહેશે અને ચૂંટણી સુધી બધા પ્રાદેશિક પક્ષો માટે આ વિકલ્પને ખુલ્લો રાખવા ઈચ્છે છે. તેની અસર બુધવારે જ જોવા મળી, જ્યારે કોંગ્રેસ રાજ્યસભામાં એકલી-અટૂલી પડી અને પહેલી વખત રાષ્ટ્રપતિ અભિભાષણ પર પોતાના સંશોધનને પાસ કરાવવામાં નિષ્ફળ રહી. એ પાર્ટી માટે મોટો ઝટકો હતો.
રાષ્ટ્રવાદ-કરપ્શનનો મુદ્દો રહેશે કેન્દ્રમાં
વડાપ્રધાન મોદીએ બંને ગૃહોને મળીને 150થી વધુ મિનિટ સુધી આપેલા ભાષણમાં પોતાની સ્પીચની થીમ રાષ્ટ્રવાદ અને કરપ્શન જ રાખી. પોતાને દેશની અસ્મિતા સાથે જોડતા તેમણે ઘણી વાતો કહી. હવેના દિવસોમાં પીએમ મોદી ઘણા પ્રસંગે 2019ની લોકસભા ચૂંટણીમાં આ બંને મુદ્દે જ આગળ વધશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.