વર્લ્ડ કપ 2019માં બાંગ્લાદેશ અને વેસ્ટ ઈન્ડીઝની મેચ દરમિયાન કેરેબિયન કેપ્ટન જેસન હોલ્ડરે ટૂર્નામેન્ટની સૌથી લાંબી સિક્સરનો રેકોર્ડ બનાવ્યો. હોલ્ડરે 105 મીટર લાંબી સિક્સ ફટકારી જેમાં બોલ સ્ટેડિયમની બહાર જઈને પડ્યો. તેણે આ સિક્સર વડે પોતાના જ ટીમમેટ શિમરોન હેટમાયરના 104 મીટર લાંબા છગ્ગાનો રેકોર્ડ તોડ્યો હતો. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો હોલ્ડરે બાંગ્લાદેશના કેપ્ટન મશરફે મોર્તઝાની બોલિંગમાં મિડ વિકેટની ઉપરથી સિક્સ ફટકારી હતી. વેસ્ટ ઈન્ડીઝની ઈનિંગ્સની 43મી ઓવરમાં હોલ્ડરે ફટકારેલી આ સિક્સ એટલી લાંબી અને ઊંચી હતી કે, દર્શકો જોતા જ રહી ગયા. હોલ્ડરે માત્ર 15 બોલમાં 33 રનની જોરદાર ઈનિંગ્સ રમી. તેણે 4 ચોગ્ગા અને 2 છગ્ગા ફટકાર્યા. આ જ મેચમાં વેસ્ટ ઈન્ડીઝના અન્ય એક ધાકડ બેટ્સમેન શિમરોન હેટમાયરે પણ 104 લાંબો એક છગ્ગો ફટકાર્યો હતો. તેણે મોસાદેક હુસૈન દ્વારા ફેંકવામાં આવેલી 38મી ઓવરમાં આ સિક્સ લગાવી હતી. આ બોલ પણ સ્ટેડિયમની બહાર જઈને પડ્યો હતો. આ ટૂર્નામેન્ટ સૌથી લાંબી સિક્સ હતી પણ હોલ્ડરે 25 મિનિટની અંદર જ રેકોર્ડ પોતાના નામે કરી લીધો હતો. ઉલ્લેખનીય છે કે, આના પહેલા પણ આ રેકોર્ડ કેરેબિયન પ્લેયરના નામે જ હતો. અગાઉ આન્દ્રે રસેલ 103 મીટર લાંબી સિક્સ સાથે પ્રથમ સ્થાને હતો પણ આજે હોલ્ડર અને હેટમાયરની ટાવરિંગ સિક્સર્સ બાદ તે ત્રીજા સ્થાને જતો રહ્યો છે.