Isro Chandrayaan 3 Nasa Artemis Mission Know Why Moon Is So Important For Humans
NASAના આર્ટેમિસથી લઈ ISROના ચંદ્રયાન 3 સુધી, દરેક જણ ફક્ત ચંદ્ર પર જ કેમ જવા માગે છે?
ઈસરો એટલે કે ઇન્ડિયન સ્પેસ રિસર્ચ ઓર્ગેનાઈઝેશનનું ચંદ્રયાન 3 ચંદ્રની યાત્રા કરવા માટે સંપૂર્ણ રીતે તૈયાર છે. જ્યારે અમેરિકી સ્પેસ એજન્સી નાસા પણ આટેમિસ મિશન પર કામ કરી રહી છે. ધરતી પર વૈજ્ઞાનિકો માટે ચંદ્ર આટલી ખાસ એટલે છે. કારણ કે, આ બીજા ગ્રહો પર માનવીઓની પહોંચના દરવાજા ખોલી શકે છે.
Edited byપ્રવેશ અડિએચા | I am Gujarat11 Jul 2023, 11:35 pm
વોશિંગ્ટનઃ ઇન્ડિયન સ્પેસ રિસર્ચ ઑર્ગેનાઈઝેશન (ISRO) પોતાના ત્રીજા સ્પેસ મિશન ચંદ્રયાન 3 માટે સંપૂર્ણ રીતે તૈયાર છે. આ માટે ફક્ત ભારત જ નહીં, અમેરિકાથી લઈ ચીન સુધી અંતરિક્ષ સુધી આગળ વધતા દરેક દેશ ચંદ્ર પર પોતાનો પગ જમાવવા માગે છે. ચંદ્રયાન 3ની તૈયારીઓની વચ્ચે એ જાણવું મહત્વનું છે કે, આખરે ચંદ્રએ હંમેશા આપણી જિજ્ઞાસાને આકર્ષિત કરી છે અને તેના રહસ્યોની શોધ કરતા આપણા પોતાના અસ્તિત્વ અંગે ઘણી મહત્વની જાણકારી મળી છે. તો આવો જાણીએ કે ચંદ્ર પર શોધ એ એટલી મહત્વપૂર્ણ કેમ છે?
I am GujaratNASAના આર્ટેમિસથી લઈ ISROના ચંદ્રયાન 3 સુધી, દરેક જણ ફક્ત ચંદ્ર પર જ કેમ જવા માગે છે?
વિવિધ ક્ષેત્રોના જવાબો મળશે ચંદ્ર વિવિધ ક્ષેત્રોમાં ઘણા બધા સવાલોના જવાબ અને તક આપે છે. જેમ કે, આપણે જાણીએ છીએ કે, ચંદ્ર પૃથ્વીથી જ બન્યો છે. આ માટે તે પૃથ્વીના શરૂઆતના ઇતિહાસના એક ભંડાર તરીકે કાર્ય કરે છે. ભૂસ્તરશાસ્ત્રીય પ્રક્રિયાઓને કારણે આપણા ગતિશીલ ગ્રહ પરથી ભૂંસી નાખવામાં આવેલા રેકોર્ડ્સ ચંદ્ર પર સચવાયેલા છે. ચંદ્રની શોધથી વૈજ્ઞાનિકોને પૃથ્વીની ઉત્પત્તિ, અર્થ-મૂન સિસ્ટમ અને પૃથ્વીના ભૂતકાળમાં એસ્ટરોઈડ્સની અસર અને સંભવિતપણે તેના ભવિષ્ય અંગે જાણવા મળી શકે છે.
ચંદ્રથી મળે છે બીજી દુનિયાનો અનુભવ આ ઉપરાંત ચંદ્ર પણ એન્જિનિયરિંગ સંબંધિત અનેક પડકારો રજૂ કરે છે. તે વૈજ્ઞાનિકો માટે ટેક્નોલોજી, ફ્લાઇટ ક્ષમતાઓ, લાઇફ સપોર્ટ સિસ્ટમ્સ વિકસાવવા માટે પરિક્ષણ ગ્રાઉન્ડ તરીકે કામ કરે છે. નાસા અનુસાર, ચંદ્ર પર રહેવાથી આપણને બીજી દુનિયામાં રહેવા અને કામ કરવાનો અનુભવ મળે છે. આ અમને તાપમાન અને વિકિરણની આત્યંતિક પરિસ્થિતિઓ હેઠળ સામગ્રી અને સાધનોનું પરિક્ષણ કરવાની મંજૂરી આપે છે.
ખૂલી શકે છે મંગળના દરવાજા ચંદ્રની શોધ એ નવી વ્યવસાયિક સંભાવનાઓ પણ જગાડી શકે છે. સૌથી ખાસ વાત એ છે કે, ચંદ્ર પર બેઝનું નિર્માણ એ અંતરિક્ષ યાત્રીઓ માટે ચંદ્રથી દૂર બીજા ગ્રહો જેવા કે મંગળના દરવાજા ખૂલી શકે છે. આનાથી આપણા સૌરમંડળની અંદર અન્ય ગ્રહો અને તેમની ચંદ્ર પર શોધનું સ્ટેજ તૈયાર થઈ શકે છે. નાસાનો રિપોર્ટ કહે છે કે, વિશાળ બ્રહ્માંડમાં તપાસ અને શોધની સંભાવનાઓ અનંત છે અને આપણી શોધની રાહ જોઈ રહ્યા છે.
પ્રવેશ અડિએચા છેલ્લા 5 વર્ષ કરતા વધુ સમયથી પત્રકારત્વ ક્ષેત્રમાં છે. તેમણે ગુજરાત યુનિવર્સિટીમાંથી માસ્ટર્સ ઇન ડેવલપમેન્ટ કમ્યુનિકેશનનો અભ્યાસ કર્યો છે. અગાઉ તેમણે ઈટીવી ભારત, ન્યૂઝ18 ગુજરાતી અને દિવ્ય ભાસ્કર સાથે કામ કર્યું છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.