10 જુલાઈ જન્મદિવસ રાશિફળ: જવાબદારીઓ વધશે, નકામો ખર્ચ થશે

આજે ભારતના રક્ષા મંત્રી રાજનાથ સિંહ, ક્રિકેટર સુનીલ ગાવાસ્કર અને એક્ટર આલોકનાથનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષે ચંદ્રમા, બુધ, મંગળ, શનિ ગ્રહ તમારા ભાગ્યાંકના સ્વામી છે. જુલાઈના બાકીના દિવસોમાં વેપારમાં ખોટ અથવા લાભમાં સતત ઘટાડો જોવા મળશે. ઓગસ્ટના આરંભથી સપ્ટેમ્બરના અંત સુધીમાં શુભ કાર્યોમાં વ્યસ્ત રહેશો. ઓક્ટોબર અને નવેમ્બરના મધ્યમાં કામ-ધંધો પાટા પર ચડશે.

ડિસેમ્બરમાં કોઈ ચમત્કારિક ઘટનાક્રમ અંતર્ગત ગુમાવેલું નાણું પાછું મળી શકે છે. જાન્યુઆરી 2022માં જે કામ કરશો તેમાં લાભ થશે. ફેબ્રુઆરી અને માર્ચમાં આર્થિક સ્થિતિ સુધરશે. એપ્રિલથી મેના આરંભ સુધી પરિવારમાં મંગળ કાર્યની યોજના બની શકે છે.

વર્ષનો ઉત્તરાર્ધ મહિલાઓ માટે વિશેષ લાભપ્રદ રહેશે અને ઐશ્વર્ય પ્રાપ્ત થશે. જૂનથી જુલાઈના આરંભ સુધી વિદ્યાર્થી વર્ગને વિશેષ પરિશ્રમ કરવા છતાં અલ્પ પરિણામથી સંતોષ માનવો પડશે. તમે આ વર્ષે જે હાનિની આશંકામાં છો તે નહીં થાય. પારિવારિક જવાબદારીઓ વધશે. ખોટો ખર્ચ થઈ શકે છે.