10 સપ્ટેમ્બર જન્મદિન રાશિફળ: આર્થિક સમૃદ્ધિ અને દાંપત્ય સુખ વધારનારું વર્ષ

આજે બોલિવુડના નિર્માતા-નિર્દેશક અનુરાગ કશ્યપનો જન્મદિવસ છે. આ ઉપરાંત આજે જન્મેલા લોકોને જન્મદિવસ અને ઉજ્જવળ ભવિષ્યની હાર્દિક શુભકામના.

શુક્ર, નેપ્ચ્યૂન અને ચંદ્રમા આ વર્ષના સંયુક્ત સ્વામી છે. સપ્ટેમ્બરના અંતે ખ્યાતિવર્ધક તેમજ જોખમી કાર્યો કરી શકશો. આગામી ઓક્ટોબર અને નવેમ્બરમાં મનોરંજન પાછળ ખર્ચ કરશો.

ડિસેમ્બર અને જાન્યુઆરીમાં કેટલાક જાતકો માટે સમૃદ્ધિના દ્વાર ખુલશે. ફેબ્રુઆરી 2021માં ભાગ્ય વૃદ્ધિ થશે. માર્ચ અને એપ્રિલમાં કુંવારા જાતકોના લગ્ન નક્કી થઈ શકે છે. મે-જૂનના અંત સુધીમાં ભાગ્યોદય, ધન-કર્મની વૃદ્ધિ અને મનોરથ સિદ્ધિ થશે.

જુલાઈથી ઓગસ્ટના પ્રથમ અઠવાડિયા સુધીમાં જૂના વિવાદ અને ઝઘડો ઉકેલાશે. મહિલાઓ માટે આ વર્ષ આર્થિક સમૃદ્ધિ અને દાંપત્ય સુખ વધારનારું રહેશે. વિદ્યાર્થીઓનું આત્મબળ વધશે. સારા પરિણામો માટે શ્રીયંત્રનું પૂજન હિતકારી છે.