11 જાન્યુઆરી જન્મદિવસ રાશિફળ: માર્ચ મહિનામાં સ્વાસ્થ્ય સાચવવું

આજે ભારતના પૂર્વ ક્રિકેટર રાહુલ દ્રવિડ અને બોલિવુડ એક્ટ્રેસ ફાતિમા સના શેખનો જન્મદિવસ છે. સેલિબ્રિટીઝ ઉપરાંત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ સિંહ લગ્નમાં પ્રવેશ કરી રહ્યું છે. વર્ષના સ્વામી સૂર્ય છે. આ વર્ષ ગુરુ, ચંદ્રમા અને શુક્રનું મિશ્રિત ફળકારક છે. માટે અધિક સક્રિયતાના કારણે થોડી પણ બેદરકારી નિષ્ફળતા અને નિરાશાનું કારણ બની શકે છે. જો સમયસર કાર્યો પૂરા ના કર્યા તો વિશ્વાસઘાત થઈ શકે છે.

ફેબ્રુઆરીમાં નિયમિત કાર્યક્રમોમાં પરિવર્તન કરવાથી યથોચિત લાભ થશે. માર્ચ અને એપ્રિલનો સમય સ્વાસ્થ્ય માટે યોગ્ય નથી. મે મહિનામાં તમામ કાર્યો કઠોર પરિશ્રમ અને વ્યય કર્યા પછી થઈ જશે. જૂન-જુલાઈમાં કોઈ મંગળ કાર્યની યોજના બનશે.

ઓગસ્ટમાં તીર્થયાત્રાનો યોગ છે. સપ્ટેમ્બરમાં પોતાના જ્ઞાન અને મનોરંજન પાછળ ખર્ચ કરશો. ઓક્ટોબર 2021થી 15 નવેમ્બર સુધી કંટાળો દૂર થશે. ડિસેમ્બર મહિનામાં ગ્રહ શાંતિ માટે મંગળવાર અને શનિવારે શ્રી સુંદરકાંડનો પાઠ કરતા રહો.