12th March Birthday Horoscope: જીવનસ્તર સુધરશે, પરિવારમાં સુખ-શાંતિ રહેશે

આજે સિંગર શ્રેયા ઘોષાલ, એક્ટર વિદ્યુત જામવાલ અને સિંગર ફાલ્ગુની પાઠકનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો કેવું રહેશે આજે જન્મેલા જાતકોનું આગામી એક વર્ષ?

આ વર્ષ મંગળ બુધ અને ચંદ્રના પ્રભાવ ક્ષેત્રમાં રહેશે. માર્ચના બાકીના દિવસોમાં આયાત-નિકાસના વેપાર સાથે જોડાયેલા લોકોને વારંવાર સમસ્યાઓનો સામનો કરવો પડી શકે છે. ગયા વર્ષના બાકી રહી ગયેલા પ્રસંગો સામે આવી શકે છે. મેમાં આર્થિક મૂંઝવણ પરેશાન કરી શકે છે.

જૂન અને જુલાઈમાં કેટલાક એવા કામ મળી શકે છે જે લાભ અપાવે. ઓગસ્ટમાં તમારા કૌશલ્ય અને એકાગ્રતાથી જોખમી કાર્યો સરળ થઈ શકેછે. આ વર્ષના ઉત્તરાર્ધ સપ્ટેમ્બરથી ઓક્ટોબર સુધીમાં જીવનસ્તર ઊંચું આવશે. લોકો તમારા કૌશલ્યની પ્રશંસા કરશે.

નવેમ્બરથી ડિસેમ્બરમાં જો કોઈ કષ્ટ કે ચિંતા હોય તો શનિવારે સવારે સ્ટીલની વાટકીમાં સરસિયાનું તેલ ભરીને તેમાં પોતાનું મોં જોઈ લો અને વાટકી તેલ સહિત દાન કરી દો. આ પ્રકારે પાંચ શનિવાર સુધી કરવાથી ઘરમાં સુખ-શાંતિ રહેશે. જાન્યુઆરી-ફેબ્રુઆરી 2024ના મધ્ય સુધીમાં શુભ વ્યયથી કીર્તિમાં વૃદ્ધિ થઈ શકે છે. મહિલાઓના સુખ-સન્માનમાં વધારો થશે.