14th December Birthday Horoscope: આકસ્મિક ધન લાભના યોગ, સમાજમાં પ્રતિષ્ઠા વધશે

આજે એક્ટર રાણા દગ્ગુબાતી, મનોજ જોષી, એક્ટ્રેસ સમીરા રેડ્ડી, દિવ્યાંકા ત્રિપાઠી, જૂહી પરમારનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષ રજત પગલે પ્રવેશ કરી રહ્યું છે. વર્ષના સ્વામી શુક્ર-મંગળ ગ્રહ છે. જીવન સાક્ષિણી દેહધારી પ્રધાન ગ્રહ વર્ષપતિ મુંથા ઉત્તમ સ્થિતિમાં હોવાથી ડિસેમ્બરના બાકીના દિવસોમાં આકસ્મિક ધન લાભ થઈ શકે છે. જાન્યુઆરી અને ફેબ્રુઆરી 2023માં લાંબા સમયથી પાછી ઠેલાઈ રહેલી યોજનાઓ પૂરી થશે. ઈષ્ટ મિત્રોની મદદ મળશે.

માર્ચમાં નવી શોધ, રચનાત્મક કાર્યોમાં પ્રગતિ થશે. સમાજમાં માન-સન્માન વધશે. વિદ્યાર્થીઓનો સ્પર્ધામાં વિજય થશે. એપ્રિલથી મેમાં અનિચ્છાએ ક્યાંય જવું પડી શકે છે. વાતચીતમાં ગંભીરતા રાખવી. જૂન અને જુલાઈમાં લોકો તમારા કાર્ય કુશળતાની પ્રશંસા કરશે. ઓગસ્ટથી સપ્ટેમ્બરમાં રહેણી-કરણીનું સ્તર ઊંચું આવશે.

ઓક્ટોબરથી નવેમ્બર સુધી શત્રુ પરાજિત થશે. વધુ સફળતા માટે સૂર્યનારાયણને જળ અર્પણ કરો. હનુમાન ચાલીસાના પાઠ કલ્યાણકારી સાબિત થશે. વેપારમાં ભાગીદારોના કારણે તણાવ થઈ શકે છે. ડિસેમ્બરમાં પરેશાની છતાં ડિસેમ્બરમાં પરાક્રમમાં વૃદ્ધિ થશે. શત્રુઓના ષડયંત્ર વિફળ થશે.