14th October Birthday Horoscope: મનની સમસ્યાનું સમાધાન થશે, શત્રુઓના ષડયંત્રથી ચેતવું

આજે એક્ટર પરમીત સેઠીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષના સ્વામી ગુરુ રાહુ અને કેતુની વચ્ચે ફસાયેલા છે માટે મિશ્ર ફળકારક વર્ષ રહેશે. ઓક્ટોબરના બાકીના દિવસોમાં મહત્વાકાંક્ષી પ્રકૃતિવાળા જાતકોની મનોકામના પૂર્ણ થશે. નવેમ્બરમાં નવી શોધ, રચનાત્મક કાર્યો માટે પ્રયત્નશીલ રહેશો. સમાજમાં માન-પ્રતિષ્ઠા વધશે. ડિસેમ્બર અને જાન્યુઆરી 2023માં સ્પર્ધામાં જીત થશે. સારગર્ભિત વાર્તાશૈલી ઉત્તમ રાખવી.

ફેબ્રુઆરી અને માર્ચમાં અનિચ્છાએ ક્યાંય જવું પડી શકે છે. એપ્રિલ અને મેમાં પણ પ્રવાસના યોગ છે. જૂન અને જુલાઈમાં મનની સમસ્યાનું સમાધાન પ્રકૃતિ સ્વયં કરી આપશે. વર્ષનો ઉત્તરાર્ધ ખુશીઓ લઈને આવી રહ્યો છે.

ઓગસ્ટ અને સપ્ટેમ્બરમાં વાદ-વિવાદમાં શત્રુઓનો પરાજય થતાં આનંદ થશે. ઓક્ટોબરના પ્રારંભથી 18 નવેમ્બર સુધી ગૃહશાંતિ માટે દર ગુરુવારે ચણાની દાળમાં ગોળ ભેળવીને ગાયને ખવડાવો. શત્રુઓના ષડયંત્રથી ચેતવું. સફળતા મળશે.