15 જુલાઈ જન્મદિવસ રાશિફળ: મિશ્ર ફળકારક રહેશે આગામી વર્ષ

આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામનાઓ.

આ વર્ષના સ્વામી ગુરુ રાહુ અને કેતુની વચ્ચે ફસાયેલા છે માટે વર્ષ મિશ્ર ફળકારક રહેશે. જુલાઈના બાકીના દિવસોમાં મહત્વાકાંક્ષી પ્રકૃતિના લોકોને મનોરથ સિદ્ધિકારક રહેશે. ઓગસ્ટમાં નવી શોધ, રચનાત્મક કાર્યો માટે પ્રયત્નશીલ રહેશો.

સમાજમાં પ્રતિષ્ઠા વધશે. સપ્ટેમ્બર અને ઓક્ટોબરમાં સ્પર્ધામાં જીત થશે. વાર્તાશૈલી સારગર્ભિત રાખવી. નવેમ્બર અને ડિસેમ્બરમાં અનિચ્છાએ ક્યાંય જવું પડી શકે છે. જાન્યુઆરી-ફેબ્રુઆરી 2022માં પ્રવાસના યોગ છે. માર્ચ અને એપ્રિલમાં મનની સમસ્યાઓનું સમાધાન પ્રકૃતિ શોધી આપશે.

વર્ષનો ઉત્તરાર્ધ ખુશીઓ લઈને આવી રહ્યો છે. મે મહિનામાં વાદ-વિવાદમાં શત્રુઓનો પરાજય થશે. જૂન અને જુલાઈમાં ગૃહ શાંતિ માટે દર ગુરુવારે ચણાની દાળમાં ગોળ ભેળવીને ગાયને ખવડાવો.