15 મે જન્મદિવસ રાશિફળ: વિદ્યાર્થીઓ માટે ઉત્તમ સમય આવશે

આજે બોલિવુડ એક્ટ્રેસ માધુરી દીક્ષિત, એક્ટર શાઈની આહુજા તેમજ ટીવી એક્ટ્રેસ પરિધિ શર્માનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ તાંબાના પગલે પ્રવેશ કરી રહ્યું છે. વર્ષના સ્વામી મંગળ મિથુન રાશિ પર પરિભ્રમણ કરી રહ્યા છે. ભૂતકાળના સંદર્ભે નવા લાભ થશે. મે મહિનાના બાકીના દિવસો દરમિયાન આયાત-નિકાસના વેપાર સાથે જોડાયેલા લોકોને વારંવાર સારી તકની પ્રાપ્તિ થશે.

જૂન અને જુલાઈમાં જૂના પ્રસંગો સામે આવશે અને સમૃદ્ધિ વધશે. ઓગસ્ટમાં ગુપ્ત શત્રુ વ્યથિત કરશે. વર્ષના ઉત્તરાર્ધ સપ્ટેમ્બરમાં ભાગ્યવર્ધક ક્ષેત્ર સાથે જોડાઈ શકો છો. ઓક્ટોબર-નવેમ્બર સુધીમાં કાર્ય કુશળતા અને એકાગ્રતાથી જોખમી કાર્યો સરળ થઈ જશે.

1 ડિસેમ્બરથી જાન્યુઆરી સુધીમાં જીવનસ્તરમાં સુધારો આવી શકે છે. ફેબ્રુઆરીથી માર્ચ 2022ના અંત સુધીમાં પ્રવાસ પર ખર્ચ કરી શકો છો. જો કોઈ મુશ્કેલી હોય તો બુધવારે રાત્રે અઢીસો ગ્રામ ચણાની દાળ પલાળીને ગુરુવારે સવારે તેમાં સવાસો ગ્રામ ગોળ ભેળવીને ગાયને ખવડાવો. આમ કરવાથી ઘરમાં સુખ-શાંતિ જળવાઈ રહેશે. એપ્રિલનો સમય વિદ્યાર્થીઓ માટે ઉત્તમ રહેશે.