15 ઓક્ટોબર જન્મદિવસ રાશિફળ: મહેનતથી સુખ-શાંતિ આવશે અને ધન પ્રાપ્તિ થશે

આજે ફિલ્મ એક્ટર અલી ફઝલ, એક્ટ્રેસ દિગાંગના સૂર્યવંશી, ફિલ્મ નિર્દેશક મીરા નાયરનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભેચ્છા.

આ વર્ષે મકરના ગુરુ અને વૃશ્ચિક રાશિના કેતુ, બુધ અને શનિનું મિશ્ર ફળ તમારી રાશિના પ્રભાવ પર પડશે. ઘણીવાર તમે નકામી ચિંતા કરી શકો છો. ઓક્ટોબર 2021ના બાકીના દિવસોમાં જો તમે કાર્યો સમયસર પૂરા ના કર્યા તો મુશ્કેલીનો સામનો કરવો પડી શકે છે. નવેમ્બરમાં તમારાથી વધુ શક્તિશાળી વ્યક્તિ સાથે દુશ્મની કરવી યોગ્ય નહીં રહે.

ડિસેમ્બરથી જાન્યુઆરી 2022માં સ્વાસ્થ્ય સંબંધિત તકલીફો રહેશે. ફેબ્રુઆરી અને માર્ચમાં માંગલિક કાર્યો, વિવાહમાં ભાગ લેવાના યોગ છે. એપ્રિલ અને મે મહિનામાં પ્રવાસ અને તીર્થયાત્રાના યોગ છે.

જૂન અને જુલાઈમાં વ્યક્તિગત મનોરંજન અને જ્ઞાન વૃદ્ધિ પાછળ ખર્ચ કરી શકો છો. વર્ષ દરમિયાન થોડી મહેનતથી સુખ-શાંતિ આવશે અને ધનની પ્રાપ્તિ થશે. આવતા વર્ષે સપ્ટેમ્બર મહિનામાં વધુ સારા પરિણામ માટે ગુરુવારે પીળા ફળ અને મિષ્ટાન્નનું દાન કરવું.