16th March Birthday Horoscope: સમય સાનુકૂળ રહેશે, નોકરી ક્ષેત્રે લાભના યોગ

આજે બોલિવુડ એક્ટર રાજપાલ યાદવનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો કેવું રહેવાનું છે આજે જન્મેલા જાતકોનું આગામી એક વર્ષ? ગ્રહો-નક્ષત્રોની સ્થિતિની કેવી રહેશે અસર?

મીન રાશિના ગુરુ અને કુંભનો શનિ તમારા મૂળાંકના સ્વામી છે. આ ગ્રહ યોગના કારણે આજથી આગામી એક વર્ષ ઉત્તમ પ્રભાવ આપનારું સાબિત થશે. માર્ચના અંતથી સારું કામ શરૂ થશે. આ વર્ષે એપ્રિલથી મે સુધી તમારું સ્વાસ્થ્ય થોડું નરમ રહી શકે છે. આ સમય જૂનના અંતે પૂરું થશે.

જુલાઈથી ઓગસ્ટ સુધી યથેષ્ટ લાભથી મન આનંદિત થશે. વાહન અને આવાસ સુખમાં ફરીથી વધારો થઈ શકે છે. સપ્ટેમ્બરથી ઓક્ટોબર સુધી આજીવિકાના ક્ષેત્રે લાભ થઈ શકે છે. નવેમ્બરથી ડિસેમ્બરનો સમય અનુકૂળ રહેશે. આ દરમિયાન જોખમ ખેડશો તો પણ લાભ થશે.

જાન્યુઆરી 2024થી ફેબ્રુઆરી સુધીમાં મહિલાઓના દાંપત્ય સુખમાં વધારો થઈ શકે છે. માર્ચમાં વિદ્યાર્થીઓને સામાન્ય પરિશ્રમથી જ વાંચ્છિત સફળતા મળી શકે છે.