16 ઓક્ટોબર જન્મદિવસ રાશિફળ: જૂના વિવાદોનો અંત આવશે, નોકરીમાં પ્રગતિના યોગ

આજે બોલિવુડ એક્ટ્રેસ હેમા માલિની, એક્ટર રાજીવ ખંડેલવાલ અને એક્ટર રોહિતાશ ગૌડનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની ખૂબ ખૂબ શુભકામના.

આ વર્ષના સ્વામી બુધ છે. વર્ષ સુવર્ણ પગલે પ્રવેશ કરી રહ્યું છે એટલે જ ઓક્ટોબરના બાકીના દિવસોથી લઈને નવેમ્બરના અંત સુધીમાં જૂના વિવાદોનો ઉકેલ આવશે. ડિસેમ્બરથી જાન્યુઆરી દરમિયાન સતપુરુષો સાથે મુલાકાત થતાં મનમાં પ્રસન્નતા આવશે. ફેબ્રુઆરી અને માર્ચમાં ઉચ્ચ અધિકારીઓની કૃપા રહેવાથી નોકરીમાં પ્રગતિ થશે.

એપ્રિલમાં સંપત્તિ સંબંધિત વિવાદનું સમાધાન મળી જશે. મે મહિનામાં રાજકીય પ્રતિદ્વંદ્ધીઓનો ઉગ્ર વિરોધ સહન કરવો પડશે. તમારા મનની ગુપ્ત વાત અને પ્રગતિનું રહસ્ય કોઈને ના જણાવું. જૂન અને જુલાઈમાં મંગળ કાર્યનું આયોજન થઈ શકે છે.

ઓગસ્ટમાં સાર્થક યાત્રા અને પર્યટનના યોગ છે. મહિલાઓ માટે વર્ષ દાંપત્ય સુખકારક રહેશે. વિદ્યાર્થીઓને સામાન્ય પરિશ્રમથી સફળતા પ્રાપ્ત થશે. વધુ સારા પરિણામ માટે સપ્ટેમ્બરમાં શ્રી આદિત્યહૃદય સ્ત્રોતનો પાઠ કોઈ વિદ્ધાન બ્રાહ્મણ પાસે કરાવો.