17 નવેમ્બર જન્મદિવસ રાશિફળ: જોખમી કાર્યો પાર પડશે, જીવનસ્તર સુધરશે

આજે ભારતીય ક્રિકેટર યૂસુફ પઠાણ, સિંગર નીતિ મોહન, ભારતીય મહિલા ઉદ્યોગપતિ ચંદા કોચર અને દક્ષિણ ભારતીય અભિનેત્રી કીર્તિ રેડ્ડીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ મંગળ, બુધ અને ચંદ્રના પ્રભાવ ક્ષેત્રમાં રહેશે. નવેમ્બરના બાકીના દિવસોમાં આયાત-નિકાસ સાથે જોડાયેલા લોકોને વારંવાર મુશ્કેલીઓનો સામનો કરવો પડી શકે છે. ડિસેમ્બર સુધીમાં સારી તક મળશે. ગયા વર્ષના બાકી રહેલા પ્રસંગો સામે આવશે.

જાન્યુઆરી 2022માં આર્થિક કષ્ટ પરેશાન કરી શકે છે. ફેબ્રુઆરી અને માર્ચમાં ભાગ્યવર્ધક ક્ષેત્ર સાથે જોડાવાનું થઈ શકે છે. એપ્રિલમાં કાર્ય કુશળતા અને એકાગ્રતાથી જોખમી કાર્યો સરળ થઈ જશે. આ વર્ષના ઉત્તરાર્ધ મે અને જૂનમાં તમારું જીવનસ્તર ઊંચું ઊઠી શકે છે અને લોકો તમારા કાર્ય કૌશલ્યની પ્રશંસા કરશે.

જુલાઈથી ઓગસ્ટમાં જો કોઈ ચિંતા હોય તો શનિવારે સવારે સ્ટીલની વાટકીમાં સરસિયું ભરીને તેમાં પોતાનું મોં જોવું અને વાટકી તેલ સહિત દાન કરી દેવી. આ પ્રકારે પાંચ શનિવાર સુધી કરવાથી ઘરમાં સુખ-શાંતિ રહેશે. સપ્ટેમ્બર અને ઓક્ટોબરમાં શુભ વ્યય થશે. મહિલાઓના સુખ-સન્માનમાં વૃદ્ધિ થશે.