18 જુલાઈ જન્મદિવસ રાશિફળ: સંતોષજનક આર્થિક સફળતા અને નોકરીના યોગ

આજે બોલિવુડ એક્ટ્રેસ પ્રિયંકા ચોપરા, ભૂમિ પેડનેકરનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

મંગળ, ચંદ્રમા અને રાહુ વર્ષના સ્વામી છે. જુલાઈ 2021ના બાકીના દિવસોમાં સારી નોકરીના યોગ છે. જો તમે કોઈ જૂના વિવાદ અથવા મૂંઝવણમાં હશો તો આ બધાથી છૂટકારો મળશે. કેટલાક લોકોને વર્તમાનમાં શનિ-રાહુ-કેતુની દશાનો સામનો કરવો પડી શકે છે.

આગામી સપ્ટેમ્બર ઓક્ટોબરમાં વિશેષ પરિણામ બાદ સંતોષકારક આર્થિક સફળતાના યોગ છે. વેપારીઓને તેજી-મંદી અને પ્રતિસ્પર્ધાનો સામનો નવેમ્બરની શરૂઆતથી ડિસેમ્બરના અંત સુધી કરવો પડી શકે છે.

કેટલાક લોકોને જાન્યુઆરી 2022થી ફેબ્રુઆરી સુધી વાહન-મશીનરી વગેરે ખરીદવાથી લાભ થશે. માર્ચ અને એપ્રિલમાં ફરીથી વેપારમાં શિથિલતા આવશે. મે-જૂનમાં વેપારમાં તેજી આવશે. 1થી 11 જુલાઈ દરમિયાન મહિલાઓની મહત્વાકાંક્ષા પૂરી થશે. વિદ્યાર્થીઓને સામાન્ય પરિશ્રમથી સારી સફળતા મળી શકે છે. ગુરુવારે પીળી વસ્તુઓનું દાન કરવું.