19th August Birthday Horoscope: પરિવારના સભ્યોની આવકના સ્ત્રોત વધશે, સમસ્યાઓનો ઉકેલ મળશે

આજે ઈન્ફોસિસના ચેરપર્સન સુધા મૂર્તિ, માઈક્રોસોફ્ટના સીઈઓ સત્યા નડેલાનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

વર્ષ કુંડળીની ગણના અનુસાર વર્ષના સ્વામી સૂર્ય અને મંગળ ગ્રહ છે. રાશિના પહેલા ઘરમાં સૂર્ય, કેતુ અને શનિના ત્રિગ્રહી યોગના કારણે ઓગસ્ટના બાકીના દિવસોમાં જોખમી કાર્યો કરવા પડી શકે છે. સપ્ટેમ્બરથી ઓક્ટોબરના અંત સુધીમાં કોઈ રાજકીય વિવાદનો અંત આવી જશે. નવેમ્બરના મધ્યમાં કેટલાય પ્રકારની સમસ્યાઓ આવશે અને તેનો અંત આવી જશે.

ડિસેમ્બરથી જાન્યુઆરી 2023 સુધીમાં તમારા વ્યવસાય અને વેપારમાં થોડી મુશ્કેલીઓ આવી શકે છે. ફેબ્રુઆરી અને માર્ચમાં પરિવારના કેટલાક મામલા ઉકેલાઈ શકે છે. એપ્રિલથી મે સુધીમાં મિત્રોની મદદથી કામકાજની નિરાશા દૂર થશે. જૂનમાં પ્રવાસનો આનંદ ઉઠાવી શકો છો.

જુલાઈના અંતે કોઈ નવા કાર્યક્ષેત્રની યોજના બનશે. મહિલાઓ માટે વર્ષ જીવનસ્તર સુધારનારું બની રહેશે. ઓગસ્ટમાં પરિવારના સભ્યોની આવકના સ્ત્રોત વધશે. ચતુર્ગ્રહી યોગની શાંતિ માટે શ્રી મૃત સંજીવનીના સવા લાખ જાપ કરો.