01 ઓગસ્ટ જન્મદિવસ રાશિફળ: મહિલાઓ માટે શુભ ફળ આપનારો સમય

આજે બોલિવુડ એક્ટ્રેસ તાપસી પન્નુનો જન્મદિવસ છે. આજે જન્મેલા તમામ જાતકોને iamgujarat.com તરફથી જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ મંગળ અને બુધના પ્રભાવ ક્ષેત્રમાં રહેશે. ઓગસ્ટમાં આયાત-નિકાસ સાથે જોડાયેલા વેપારીઓને વારંવાર સમસ્યાઓનો સામનો કરવો પડી શકે છે. સપ્ટેમ્બરથી ઓક્ટોબર દરમિયાન સારી તકની પ્રાપ્તિ થશે. ગત વર્ષના અટકેલા તમામ કાર્યો પૂરા થશે.

નવેમ્બરમાં આર્થિક કષ્ટ પરેશાન કરી શકે છે. ડિસેમ્બર અને જાન્યુઆરી 2022માં કોઈ ભાગ્યવર્ધક ક્ષેત્ર સાથે જોડાશો. ફેબ્રુઆરીમાં કાર્ય કુશળતા અને એકાગ્રતાથી જોખમી કાર્યો સરળ થઈ જશે.

આ વર્ષના ઉત્તરાર્ધ માર્ચ-એપ્રિલમાં જીવનસ્તર ઊંચું ઉઠશે. લોકો તમારા કૌશલ્યની પ્રશંસા કરશે. મે અને જૂનમાં કોઈ ચિંતા કે કષ્ટ હોય તો શનિવારે સવારે સ્ટીલની વાટકીમાં સરસિયાનું તેલ ભરીને તેમાં પોતાનો ચહેરો જોઈ લો અને વાટકી તેલ સહિત કોઈ જરૂરિયાતમંદને દાન કરી દો. આ પ્રકારે પાંચ શનિવાર સુધી કરવાથી ઘરમાં સુખ શાંતિ રહેશે. વિદ્યાર્થીઓ માટે વર્ષ ઉત્તમ રહેશે. જુલાઈ મહિનો મહિલાઓ માટે શુભ ફળ લાવનારો રહેશે.