01 નવેમ્બર જન્મદિવસ રાશિફળ: વેપારીઓને સારી તક મળશે, જીવનસ્તર સુધરશે

આજે બોલિવુડ એક્ટ્રેસ ઐશ્વર્યા રાય બચ્ચન, મુકેશ અંબાણીનાં પત્ની નીતા અંબાણી અને ક્રિકેટર વી.વી.એસ લક્ષ્મણનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ તાંબાના પગલે પ્રવેશ કરી રહ્યું છે. વર્ષના સ્વામી ગુરુ મકર રાશિ પર પરિભ્રમણ કરી રહ્યા હોવાથી ભૂતકાળના સંદર્ભે લાભ અને નવા કાર્યો શરૂ થશે. નવેમ્બરથી ડિસેમ્બરના અંત સુધીમાં આયાત-નિકાસના વેપાર સાથે જોડાયેલા લોકોની મુશ્કેલીઓ દૂર થશે અને સારી તકની પ્રાપ્તિ થશે.

જાન્યુઆરી 2022માં જૂના પ્રસંગો સામે આવશે. ફેબ્રુઆરીમાં સમૃદ્ધિમાં વધારો થશે. માર્ચમાં ગુપ્ત શત્રુઓ પરેશાન કરી શકે છે. આ વર્ષના ઉત્તરાર્ધ એપ્રિલ અને મેમાં કોઈ ભાગ્યવર્ધક ક્ષેત્ર સાથે જોડાવાનું થશે. ત્યારે જૂન અને જુલાઈમાં કાર્ય કુશળતા અને એકાગ્રતાથી જોખમી કાર્યો સહજતાથી પાર પાડશો.

ઓગસ્ટ અને સપ્ટેમ્બરમાં જીવનસ્તર સુધારી શકો છો. 1 ઓક્ટોબરથી 31 ઓક્ટોબર સુધીમાં કોઈ મુશ્કેલી હોય તો ગુરુવારે ચણાની દાળમાં ગોળ ભેળવીને ગાયને ખવડાવો. આ ઉપાયથી ઘરમાં સુખ-શાંતિ અને સમૃદ્ધિ જળવાઈ રહેશે.