21 સપ્ટેમ્બર જન્મદિવસ રાશિફળ: જીવનસ્તર ઊંચું આવશે, આવકના સ્ત્રોત વધશે

હિન્દી ફિલ્મ ઈન્ડસ્ટ્રીના ફર્સ્ટ ફેમિલીની દીકરી અને એક્ટ્રેસ કરિના કપૂરનો જન્મદિવસ છે. આ ઉપરાંત આજે જન્મેલા તમામ જાતકોને iamgujarat.com તરફથી જન્મદિવસ અને ઉજ્જવળ ભવિષ્યની હાર્દિક શુભકામના.

વર્ષના સ્વામી સૂર્ય અને મંગળ ગ્રહ છે. રાશિના પહેલા ઘરમાં સૂર્ય, કેતુ અને શનિનો ત્રિગ્રહી યોગ સપ્ટેમ્બરના બાકીના દિવસોમાં જોખમી કાર્યો કરાવી શકે છે. ઓક્ટોબરથી નવેમ્બરના અંત સુધી કોઈ રાજકીય વિવાદનો અંત આવશે. ડિસેમ્બરના મધ્યમાં ઘણી સમસ્યાઓ આવશે પરંતુ તેનું સમાધાન પણ મળી જશે.

જાન્યુઆરીથી ફેબ્રુઆરી 2021 દરમિયાન વેપારમાં થોડી મુશ્કેલી આવી શકે છે. માર્ચ અને એપ્રિલમાં પારિવારિક મુદ્દાઓનું સમાધાન થઈ જશે. મે-જૂનમાં મિત્રોની મદદથી અટકેલા કાર્યો પૂરા થશે અને કામકાજમાં નિરાશા દૂર થશે. જુલાઈમાં પ્રવાસનો આનંદ લઈ શકો છો.

ઓગસ્ટના અંતે કોઈ નવા કાર્યક્ષેત્રની યોજના બની શકે છે. મહિલાઓ માટે જીવનસ્તર વધારનારું વર્ષ રહેશે. સપ્ટેમ્બરમાં પરિવારના સભ્યોની આવકના સ્ત્રોત વધશે. ગ્રહોની શાંતિ માટે શ્રી મૃત સંજીવનીના સવા લાખ જાપ કરાવો.