22 ઓગસ્ટ જન્મદિવસ રાશિફળ: સંપત્તિ સંબંધિત વિવાદનો ઉકેલ મળશે

આજે સીરિયલ 'સાથ નિભાના સાથિયા'માં ગોપી વહુનો રોલ કરીને પ્રખ્યાત થયેલી એક્ટ્રેસ દેબોલીના ભટ્ટાચાર્જીનો જન્મદિવસ છે. આ ઉપરાંત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષના સ્વામી બુધ છે. વર્ષ સ્વર્ણ પાદથી પ્રવેશ કરી રહ્યું છે માટે ઓગસ્ટથી સપ્ટેમ્બર 2020 સુધી જૂના વિવાદનો અંત આવશે. ઓક્ટોબર અને નવેમ્બરમાં સતપુરુષોને મળવાથી મન પ્રફુલ્લિત રહેશે. ડિસેમ્બર અને જાન્યુઆરીમાં ઉચ્ચ અધિકારીઓની કૃપાથી નોકરીમાં ઉન્નતિ થશે.

ફેબ્રુઆરીમાં સંપત્તિ સંબંધિત વિવાદોનું સમાધાન નીકળશે. માર્ચમાં રાજનીતિક પ્રતિદ્વંદ્વીઓનો વિરોધ ઉગ્ર રૂપ ધારણ કરી શકે છે. તમારા મનમાં ચાલી રહેલી ગુપ્ત વાત કે પ્રગતિનું રહસ્ય કોઈને જણાવશો નહીં. એપ્રિલથી મે મહિના સુધીમાં મંગળ કાર્યની યોજના બની શકે છે. જૂન 2021માં સાર્થક પ્રવાસનો યોગ છે.

મહિલાઓ માટે આ વર્ષ દાંપત્ય જીવનમાં સુખાકારી લાવશે. વિદ્યાર્થીઓને સાધારણ પરિશ્રમથી જ સફળતા મળી જશે. વધુ સારા પરિણામ માટે જુલાઈમાં શ્રી આદિત્ય સ્ત્રોતનો પાઠ કોઈ વિદ્વાન બ્રાહ્મણ પાસે કરાવો અને બળદને ગોળ ખવડાવો.