22 માર્ચ જન્મદિવસ રાશિફળ: મહિલાઓ માટે વિશેષ ફળદાયી વર્ષ, નકામા ખર્ચા થઈ શકે

આજે સિંગર ધ્વનિ ભાનુશાળી, એક્ટ્રેસ શીલા, એક્ટર આદિત્ય સીલનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષે ચંદ્રમા, બુધ-મંગળ સહિત શનિ તમારા ભાગ્યાંકના સ્વામી ગ્રહ છે. માર્ચના અંત સુધીમાં શુભ કાર્યોમાં વિલંબ પડતો દેખાઈ રહ્યો છે. જૂન-જુલાઈના મધ્યમાં કામ-ધંધો પાટા પર ચડી શકે છે. ઓગસ્ટ કોઈ ચમત્કારિક ઘટનાક્રમ અંતર્ગત ડૂબેલું નાણું પાછું મળી શકે છે.

સપ્ટેમ્બરમાં નાના-મોટા કાર્યોમાંથી લાભ થઈ શકે છે. ઓક્ટોબર અને નવેમ્બરમાં આર્થિક સ્થિતિ વધારે સારી થશે. ડિસેમ્બર અને જાન્યુઆરી 2024ના આરંભમાં પરિવારમાં માંગલિક કાર્યો યોજાઈ શકે છે. વર્ષનો ઉત્તરાર્ધ મહિલાઓ માટે વિશેષ ફળદાયી રહી શકે છે, ઐશ્વર્ય પ્રાપ્ત થશે.

ફેબ્રુઆરીના અંતથી માર્ચ 2024ના આરંભ સુધી વિદ્યાર્થી વર્ગને વિશેષ પરિશ્રમ કરવા છતાં સામાન્ય પરિણામથી સંતોષ માનવો પડશે. આ વર્ષે તમે જે હાનિની આશંકા સેવી રહ્યા છો તે નહીં થાય. પારિવારિક જવાબદારીઓ વધી શકે છે. વિના કારણના ખર્ચ સંભવ છે.