25 ઓક્ટોબર જન્મદિવસ રાશિફળ: પ્રતિષ્ઠા વધશે, કાર્યો પૂરા થશે

આજે એક્ટ્રેસ સોની રાઝદાન, ક્રિતિકા કામરા અને ક્રિકેટર ઉમેશ યાદવનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભેચ્છા.

આ વર્ષના સ્વામી શુક્ર અને બુધ ગ્રહ છે. મોટાભાગના જાતકોને આ વર્ષે સારી આજીવિકા મળી રહેશે. ઓક્ટોબરથી નવેમ્બરના અંત સુધીમાં કેટલાક જાતકો પોતાના બળે રોજગાર પ્રાપ્ત કરશે. તો બુધની ઉત્તમ સ્થિતિ બૌદ્ધિક કાર્યો સાથે જોડાયેલા મહાનુભાવોને સાર્વજનિક જીવનમાં પ્રતિષ્ઠા અપાવી શકે છે.

ડિસેમ્બર અને જાન્યુઆરી 2022માં ટેક્નિકલ કાર્યક્ષેત્ર સાથે જોડાયેલા જાતકોની પ્રતિષ્ઠામાં વધારો થશે. આ વર્ષે ફેબ્રુઆરી-માર્ચ દરમિયાન કેટલાક જાતકોને માતાપિતા તરફથી પરેશાની નડી શકે છે. એપ્રિલ અને મે મહિનામાં કેટલીક ઝંઝટ બાદ કાર્યો પૂરા થશે. જૂન અને જુલાઈમાં પ્રવાસના યોગ છે અને આ માટે કરેલો ખર્ચ આગળ જતાં ફળદાયી સાબિત થઈ શકે છે.

ઓગસ્ટ અને સપ્ટેમ્બરમાં માંગલિક કાર્યોનું આયોજન થશે. ઓક્ટોબર સુધીમાં અટકેલું નાણું પાછું મળશે. વિદ્યાર્થીઓને નિયમિત પરિશ્રમથી સફળતા મળશે. મહિલાઓએ શિવપૂજન કરવું.