28 એપ્રિલ જન્મદિવસ રાશિફળ: વેપારમાંથી નિરાશા દૂર થશે, આર્થિક સ્થિતિ સુધરશે

આજે એક્ટ્રેસ સમંથા અક્કિનેની અને એક્ટર શરમન જોષીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષે બુધ, મંગળ સહિત શનિ તમારા ભાગ્યાંક અને જન્માંકના સ્વામી ગ્રહ રહેશે. ગત વર્ષ દરમિયાન મંદીના કારણે એપ્રિલ સુધી આર્થિક વિષમતાનો સામનો કરવો પડી રહ્યો છે. મે અને જૂનના અંત સુધીમાં વેપારની નબળાઈ અને આર્થિક દુર્બળતાનો નાશ થશે.

જુલાઈ અને ઓગસ્ટ વચ્ચે આર્થિક રાહત મળશે. કામ-ધંધો પાટા પર ચડશે. સપ્ટેમ્બરથી ઓક્ટોબરમાં દેવ-દર્શન, પ્રવાસ પર ખર્ચ કરવો સુખદ રહેશે. નવેમ્બરમાં કોઈપણ પ્રકારે ડૂબેલું નાણું પરત આવશે. ડિસેમ્બર-જાન્યુઆરીમાં પ્રિયજનો અને પરિજનોના મંગળ કાર્યો, ઉત્સવોમાં સામેલ થવાનું સૌભાગ્ય મળશે.

ફેબ્રુઆરીના અંત સુધી આર્થિક સ્થિતિ વધુ સારી બનશે. માર્ચ 2022માં વસ્ત્રો અને આભૂષણ ભેટમાં મળી શકે છે. એપ્રિલના મધ્ય સુધીમાં માન-સન્માનમાં વૃદ્ધિ થશે. મહિલાઓ માટે વર્ષ ઉત્તમ ફળ આપનારું છે. વિદ્યાર્થી વર્ગને વિશેષ પરિશ્રમ બાદ પણ અલ્પ સંતોષથી કામ ચલાવું પડી શકે છે. વિશેષ ઉત્તમ પરિણામો માટે પન્ના રત્ન ધારણ કરવો હિતકારી રહેશે. અઠવાડિયામાં એકવાર ગાયને પાલક ખવડાવો.