28 નવેમ્બર જન્મદિવસ રાશિફળ: કેવું રહેશે આજે જન્મેલા જાતકોનું આગામી એક વર્ષ?

આજે બોલિવુડ એક્ટ્રેસ યામી ગૌતમ, ઈશા ગુપ્તા અને એક્ટર પ્રતીક બબ્બરનો જન્મદિવસ છે. આ સેલિબ્રિટીઝ ઉપરાંત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની ખૂબ ખૂબ શુભેચ્છા.

આ વર્ષ મંગળ-બુધ, ચંદ્રના પ્રભાવ ક્ષેત્રમાં રહેશે. નવેમ્બરના બાકીના દિવસોમાં આયાત-નિકાસ સાથે જોડાયેલા વેપારીઓને મુશ્કેલીઓના સામનો કરવો પડી શકે છે. ડિસેમ્બરથી જાન્યુઆરી 2022 સુધીમાં સારી તકની પ્રાપ્તિ થશે. ગત વર્ષના બાકી રહેલા પ્રસંગો સામે આવશે. ફેબ્રુઆરીમાં આર્થિક કષ્ટ પરેશાન કરી શકે છે.

માર્ચમાં ભાગ્યવર્ધક કાર્યક્ષેત્ર સાથે જોડાવાનું થઈ શકે છે. એપ્રિલમાં તમારા કૌશલ્ય અને એકાગ્રતાથી જોખમી કાર્યો સરળ થઈ જશે. આ વર્ષના ઉત્તરાર્ધ એટલે મે-જૂનથી જુલાઈ સુધી તમારું જીવનસ્તર ઊંચું ઊઠશે અને લોકો તમારા કૌશલ્યની પ્રશંસા કરશે.

ઓગસ્ટથી સપ્ટેમ્બર સુધીમાં જો કોઈ મુશ્કેલી હોય તો શનિવારે સવારે સ્ટીલની વાટકીમાં સરસિયું ભરીને તેમાં પોતાનું મુખ જુઓ અને વાટકી સરસિયા સહિત દાન કરી દો. આ પ્રકારે પાંચ શનિવાર સુધી કરવાથી ઓક્ટોબર સુધીમાં ઘરમાં સુખ-શાંતિ આવશે. ગુમાવેલું નાણું પાછું મળશે.