29 એપ્રિલ જન્મદિવસ રાશિફળ: રોગ-દેવામાંથી મુક્તિ મળશે

આજે 'રામાયણ' સીરિયલમાં સીતા માતાનો રોલ કરીને પ્રખ્યાત થયેલા એક્ટ્રેસ દીપિકા ચીખલિયા અને બોલિવુડ એક્ટર સિદ્ધાંત ચતુર્વેદીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ રજત પાદથી પ્રવેશ કરી રહ્યું છે. વર્ષના સ્વામી શુક્ર અને મંગળ ગ્રહ છે. જીવન સાક્ષિણી દેહધારી પ્રધાન ગ્રહ વર્ષપતિ મુંથાની ઉત્તમ સ્થિતિ એપ્રિલના બાકીના દિવસોમાં અકસ્માત રાજ્ય કૃપાકારક છે. મે મહિનામાં ઘણાં સમયથી પાછળ ઠેલાઈ રહેલી યોજનાઓ પૂરી થશે.

ઈષ્ટ મિત્રોના સહયોગના સમાચાર મળશે. જૂન-જુલાઈમાં નવી શોધ, રચનાત્મક કાર્યોમાં પ્રગતિ થશે. સમાજમાં માન-પ્રતિષ્ઠા વધશે. ઓગસ્ટમાં અનિચ્છાએ ક્યાંય જવું પડી શકે છે. પોતાની વાર્તાશૈલી સારગર્ભિત રાખવી. સપ્ટેમ્બર-ઓક્ટોબરમાં લોકો તમારી કાર્ય કુશળતાની પ્રશંસા કરશે.

નવેમ્બર-ડિસેમ્બરમાં રહેણીકરણીનું સ્તર ઊંચું આવશે. શત્રુ પરાજિત થશે. જાન્યુઆરી-ફેબ્રુઆરીમાં રોગ-દેવામાંથી મુક્તિ મળશે. માર્ચ 2022માં આર્થિક પક્ષ મજબૂત થશે. ધાર્મિક સ્થળોએ પ્રવાસનો યોગ એપ્રિલ મહિનામાં બનશે. વધુ સફળતા માટે સ્નાન કર્યા બાદ સૂર્યનારાયણને જળ ચડાવો. હનુમાન ચાલીસાનો પાઠ કરો.