31 ઓક્ટોબર જન્મદિવસ રાશિફળ: કેવું રહેશે આજે જન્મેલા જાતકોનું આગામી વર્ષ?

આજે દેશના લોખંડી પુરુષ સરદાર વલ્લભભાઈ પટેલની જન્મજયંતી છે. આ ઉપરાંત આજે એક્ટર અર્જુન બિજલાનીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભેચ્છા.

આ વર્ષના સ્વામી બુધ છે. વર્ષ સ્વર્ણ પાદથી પ્રવેશ કરી રહ્યું છે એટલે નવેમ્બરના પ્રારંભથી 28 ડિસેમ્બર 2020 સુધીમાં જૂના વિવાદનો અંત લાવવામાં સફળતા મળશે. જાન્યુઆરી અને ફેબ્રુઆરીમાં સતપુરુષોને મળવાથી મનમાં પ્રસન્નતા રહેશે. માર્ચ અને એપ્રિલમાં ઉચ્ચ અધિકારીઓની કૃપાથી નોકરીમાં ઉન્નતિ મળશે.

મે મહિનામાં સંપત્તિ સંબંધિત વિવાદોનું સમાધાન મળી જશે. જૂનમાં રાજકીય પ્રતિદ્વંદ્ધીઓનો વિરોધ ઉગ્ર સ્વરૂપ ધારણ કરી શકે છે. તમારા મનની ગુપ્ત વાત અને પ્રગતિનું રહસ્ય કોઈને ના જણાવવું. જુલાઈ અને ઓગસ્ટ 2021 સુધીમાં કોઈ મંગળ કાર્યની યોજના બની શકે છે. સપ્ટેમ્બરમાં સાર્થક પ્રવાસ અને યાત્રાનો યોગ છે.

મહિલાઓ માટે વર્ષ દાંપત્ય સુખકારક રહેશે. વિદ્યાર્થીઓને સાધારણ પરિશ્રમથી ઉત્તમ સફળતા મળશે. વધુ સારા પરિણામ માટે ઓક્ટોબરમાં શ્રી આદિત્ય હૃદય સ્ત્રોતનો પાઠ કોઈ વિદ્વાન બ્રાહ્મણ દ્વારા કરાવો અને આખલાને રોજ ગોળ ખવડાવો.