03 સપ્ટેમ્બર જન્મદિવસ રાશિફળ: પ્રયાસ સફળ રહેશે, ભાગ્યોદય થશે

આજે બોલિવુડ એક્ટર વિવેક ઓબેરોય, શક્તિ કપૂર તેમજ ગુજરાતી-હિન્દી ફિલ્મોના અભિનેતા મનોજ જોષીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ રજત પાદથી પ્રવેશ કરી રહ્યું છે. સપ્ટેમ્બરમાં રાજકીય ક્ષેત્રે લાભ મળી શકે છે. ઓક્ટોબરમાં ગ્રહચાલ મધ્યમ રહેશે. ગુપ્ત શત્રુઓના ષડયંત્રથી બચવું. નવેમ્બર અને ડિસેમ્બર અપેક્ષા પ્રમાણે શુભ રહેશે. ખર્ચથી વધારે લાભ થશે. કુશળ જાતકોનો ભાગ્યોદય જાન્યુઆરી 2022થી ફેબ્રુઆરી સુધીમાં થશે.

બુધના સહયોગથી મોટાભાગના જાતકોના બૌદ્ધિક, ધાર્મિક અને વ્યવસાયિંક પ્રયાસ સાર્થક થશે. માર્ચ અને એપ્રિલમાં કેટલાક અનાવશ્યક પ્રપંચોના કારણે પરેશાની રહી શકે છે. બૌદ્ધિક કાર્યો સાથે જોડાયેલા મહાનુભાવો આ વર્ષે કામકાજનો વિસ્તાર કરશે.

નોકરિયાત વર્ગને મનોવાંચ્છિત જગ્યાએ બદલી જૂન-જુલાઈ સુધીમાં સામાન્ય પ્રયાસ દ્વારા મળી શકે છે. ઓગસ્ટ મહિના દરમિયાન પરિસ્થિતિ સામાન્ય સુખદ રહેશે. મહિલાઓ માટે વર્ષ અધિક લાભપ્રદ છે. વિદ્યાર્થીઓને નિયમિત પરિશ્રમથી જ સફળતા પ્રાપ્ત થશે. મંગળ તમારી રાશિ માટે અનુકૂળ ના હોવાથી સુંદરકાંડના પાઠ રોજ રાત્રે 8 વાગ્યા બાદ શુદ્ધ ઘીનો દીવો પ્રગટાવીને 40 દિવસ સુધી કરો.