04 નવેમ્બર જન્મદિવસ રાશિફળ: મહિલાઓ માટે આર્થિક સમૃદ્ધિ વધારનારું વર્ષ

આજે બોલિવુડ એક્ટ્રેસ તબ્બૂ અને એક્ટર-મોડલ મિલિંદ સોમણનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

શુક્ર, નેપ્ચ્યૂન અને ચંદ્રમા આ વર્ષના સંયુક્તરૂપે સ્વામી છે. નવેમ્બરના અંત સુધીમાં ખ્યાતિ વધશે અને જોખમી કાર્યો કરવા પડી શકે છે પણ તેમાં સફળતા પ્રાપ્ત થશે. આગામી ડિસેમ્બર અને જાન્યુઆરી 2022માં પૂરતું મનોરંજન પ્રાપ્ત થશે. ફેબ્રુઆરીથી માર્ચ દરમિયાન કેટલાક જાતકો માટે સમૃદ્ધિના માર્ગ ખુલશે.

એપ્રિલ તમારા ભાગ્યાંકમાં સહાયક રહેશે. મે અને જૂનમાં કુંવારા જાતકોના લગ્નની યોજના બની શકે છે. જુલાઈ અને ઓગસ્ટથી લઈને સપ્ટેમ્બરના અંત સુધીમાં ભાગ્યોદય થશે, ધન-ધર્મની વૃદ્ધિ થશે અને મનોરથ સિદ્ધિ થશે.

ઓક્ટોબરથી નવેમ્બરના પ્રથમ સપ્તાહમાં જૂના વિવાદોનો અંત આવશે અને ઝઘડા સમાપ્ત થશે. મહિલાઓ માટે વર્ષ આર્થિક સમૃદ્ધિ અને દાંપત્ય સુખ વધારનારું રહેશે. વિદ્યાર્થીઓનું આત્મબળ વધશે. વધુ સારા પરિણામ માટે શ્રીયંત્રનું પૂજન કરવું.