07 ઓક્ટોબર જન્મદિવસ રાશિફળ: શત્રુઓના પરાજયથી આનંદ થશે

આજે ટેલિવિઝન અને ફિલ્મોમાં કામ કરનારા એક્ટર શરદ કેલકરનો જન્મદિવસ છે. આ ઉપરાંત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભેચ્છા.

આ વર્ષના સ્વામી ગુરુ રાહુ-કેતુની વચ્ચે ફસાયેલા છે માટે મિશ્ર ફળકારક વર્ષ રહેશે. ઓક્ટોબરમાં મહત્વાકાંક્ષી પ્રકૃતિવાળા લોકોની મનોરથ સિદ્ધિ થશે. નવેમ્બરમાં નવી શોધ, રચનાત્મક કાર્યો માટે પ્રયત્નશીલ રહેજો. સમાજમાં તમારું સન્માન વધશે.

ડિસેમ્બર અને જાન્યુઆરીમાં સ્પર્ધામાં તમારી જીત થશે. વાર્તાશૈલી સારગર્ભિત રાખવી. ફેબ્રુઆરી અને માર્ચ 2021માં અનિચ્છાએ ક્યાંય જવું પડી શકે છે. એપ્રિલ અને મે મહિનામાં પ્રવાસના યોગ છે. જૂન અને જુલાઈમાં મનની સમસ્યાઓનું સમાધાન પ્રકૃતિ સ્વયં કરી દેશે.

વર્ષનો ઉત્તરાર્ધ ખુશીઓ લઈને આવી રહ્યો છે. ઓગસ્ટ 2021માં વાદ-વિવાદમાં શત્રુઓના પરાજયથી આનંદ થશે. સપ્ટેમ્બર અને ઓક્ટોબરના પ્રથમ અઠવાડિયા સુધી ગૃહ શાંતિ માટે દરેક ગુરુવારે ચણાની દાળમાં ગોળ ભેળવીને ગાયને ખવડાવો.