7 ઓગસ્ટ જન્મદિવસ રાશિફળ: સુખ-શાંતિ માટે ગુરુવારે કરો આ ઉપાય

આજે જાણીતા ટીવી એક્ટર શિવિન નારંગનો જન્મદિવસ છે. શિવિન સહિત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષ સિંહ લગ્નમાં સુવર્ણ પાદથી પ્રવેશ કરી રહ્યું છે, જે મિશ્રિત ફળકારક છે. ઓગસ્ટના અંતે મહત્વાકાંક્ષી પ્રકૃતિ ધરાવા લોકોને મનોરથ સિદ્ધિ થશે. સપ્ટેમ્બર અને ઓક્ટોબરમાં નવી શોધ, રચનાત્મક કાર્યો માટે પ્રયત્નશીલ રહેજો. સમાજમાં માન-સન્માન વધશે. નવેમ્બર અને ડિસેમ્બરમાં સ્પર્ધામાં વિજયી થશો.

જાન્યુઆરી અને ફેબ્રુઆરી 2021માં અનિચ્છાએ ક્યાંય જવું પડી શકે છે. માર્ચ અને એપ્રિલમાં પ્રવાસના યોગ છે. મેથી જૂનના અંત સુધીમાં મનની સમસ્યાઓનું સમાધાન પ્રકૃતિ કરી આપશે. વર્ષનું ઉત્તરાર્ધ ખુશીઓ લઈને આવશે. જુલાઈમાં શત્રુઓ સાથે વાદ-વિવાદ થઈ શકે છે. જેમાં તમે શત્રુઓને પરાજિત કરતાં ખુશી થશે.

ગૃહ શાંતિ માટે ઓગસ્ટમાં દરેક ગુરુવારે ચણાની દાળમાં ગોળ ભેળવીને ખાયને ખવડાવો. કાર્ય કુશળતાથી પ્રતિદ્વંદ્ધીઓ પર વિજય પ્રાપ્ત કરશો. ઘર ઉપયોગી કોઈ નવી વસ્તુ ખરીદશો, જેનાથી દાંપત્ય જીવનમાં સુખાકારી રહેશે.