08 ઓગસ્ટ જન્મદિવસ રાશિફળ: વર્ષના અંતે ભાગ્યોદય થવાના યોગ

આજે રાજકારણી અને લોયર રહી ચૂકેલા કપિલ સિબ્બલનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના.

આ વર્ષે શનિ-મંગળ, શુક્રનો વિશેષ પ્રભાવ તમારા વર્ષફળ પર રહેશે. વર્ષ અત્યંત શુભ ફળકારક છે તેમ છતાં થોડી પણ બેદરકારીના કારણે ગુપ્ત શત્રુ સક્રિય થઈ શકે છે. ઓગસ્ટ 2021માં કોઈ મહિલા મદદ માટે આગળ આવશે. સપ્ટેમ્બર અને ઓક્ટોબરમાં નિયમિત કાર્યક્રમોમાં ફેરફાર લાવવાથી યથોચિત લાભ થશે.

નવેમ્બર અને ડિસેમ્બરમાં સંતાન સંબંધિત ચિંતા કરવાના કારણે તમારું સ્વાસ્થ્ય ખરાબ થઈ શકે છે. જાન્યુઆરી-ફેબ્રુઆરીમાં અટકેલા કાર્યો થોડા ખર્ચ અને અડચણ બાદ પૂરા થશે. માર્ચ અને એપ્રિલમાં મંગળ કાર્યની યોજના બનશે. મે અને જૂન દરમિયાન પ્રવાસ, તીર્થયાત્રાના યોગ છે.

જુલાઈમાં પોતાના જ્ઞાન-મનોરંજન પાછળ ખર્ચ કરવો સુખદ સાબિત થશે. આસપાસના લોકોનું મન પણ પ્રસન્ન રહેશે. ઓગસ્ટમાં મહિલાઓને પતિની કોઈ આદત પરેશાન કરી શકે છે. વિદ્યાર્થી વર્ગને કઠોર પરિશ્રમથી સફળતા મળશે. વર્ષના અંતે ભાગ્યોદય થશે. હર્ષ મંગળમય પરિવર્તન અને મનોરથ સિદ્ધિ થશે.