2nd April Birthday Horoscope: સ્વાસ્થ્યની કાળજી લેવી, વેપારીઓને સારી તક મળશે

આજે બોલિવુડ એક્ટર અજય દેવગણ, કોમેડી કિંગ કપિલ શર્મા અને કોરિયોગ્રાફર રેમો ડિસૂઝાનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષે તમારા જીવન પર ગુરુ અને શુક્રનો મિશ્ર પ્રભાવ જોવા મળશે. એપ્રિલના બાકીના દિવસોમાં આયાત-નિકાસના વેપાર સાથે જોડાયેલા વેપારીઓને ઘણીવાર સારી તકની પ્રાપ્તિ થઈ શકે છે. જૂન અને જુલાઈમાં વધુ સક્રિયતા છતાં અપેક્ષિત પરિણામ નહીં મળતા માયૂસી રહેશે.

ઓગસ્ટ અને સપ્ટેમ્બરમાં કાર્ય સમયસર પૂરા ના કર્યા તો શત્રુઓ પરેશાન કરી શકે છે અને મુશ્કેલીમાં મૂકી શકે છે. ઓક્ટોબર અને નવેમ્બરમાં નિયમિત કાર્યક્રમમાં ફેરફાર કરવાથી યથોચિત લાભ થઈ શકે છે. ડિસેમ્બર અને જાન્યુઆરી 2024માં સ્વાસ્થ્ય મધ્યમ રહી શકે છે. બધા જ કાર્યો થોડા ખર્ચ અને મૂંઝવણો બાદ પૂરા થઈ શકે છે.

ફેબ્રુઆરીમાં મંગળ કાર્યની યોજના બનશે. માર્ચથી એપ્રિલના મધ્ય સુધીમાં સાર્થક યાત્રા અને પ્રવાસના યોગ છે. પોતાના પરિવારના મનોરંજન પાછળ ખર્ચ કરવો સુખદ સાબિત થશે. જેનાથી તમારી જ્ઞાન વૃદ્ધિ થશે અને પરિવારનો કંટાળો દૂર થશે.