4th February Birthday Horoscope: ફેબ્રુઆરીના બાકીના દિવસોમાં લાભ, જાણો કેવું રહેશે આખું વર્ષ?

આજે એક્ટ્રેસ ઉર્મિલા માતોંડકર અને એક્ટર વરુણ શર્માનો જન્મદિવસ છે. આ બંને સેલિબ્રિટીઝ ઉપરાંત આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષ રજત પગલે પ્રવેશી રહ્યું છે. વર્ષના સ્વામી શુક્ર અને મંગળ ગ્રહ છે. જીવનસાક્ષિણી દેહધારી પ્રધાન ગ્રહ મુંથાની ઉત્તમ સ્થિતિ ફેબ્રુઆરીના બાકીના દિવસોમાં લાાભ કરાવી શકે છે. માર્ચમાં લાંબા સમયથી ટળી રહેલી યોજનાઓ પૂરી થશે. ઈષ્ટ મિત્રોની મદદના સમાચાર મળશે.

એપ્રિલમાં નવી શોધ, રચનાત્મક કાર્યોમાં પ્રગતિ થશે. સમાજમાં માન-પ્રતિષ્ઠા વધશે અને સ્પર્ધામાં વિજય પ્રાપ્ત કરશો. મે અને જૂનમાં અનિચ્છાએ ક્યાંય જવું પડી શકે છે. વાર્તાશૈલી સારગર્ભિત રાખવી.

જુલાઈ અને ઓગસ્ટમાં લોકો તમારા કૌશલ્યની પ્રશંસા કરશે. સપ્ટેમ્બર અને ઓક્ટોબરમાં તમારી રહેણીકરણીનું સ્તર સુધરી શકે છે. શત્રુઓ પરાજિત થશે. નવેમ્બર અને ડિસેમ્બરમાં દેવા અને રોગમાંથી મુક્તિ મળી શકે છે. જાન્યુઆરી-ફેબ્રુઆરી 2024માં આર્થિક પક્ષ મજબૂત બનશે. ધાર્મિક સ્થળોએ પ્રવાસનો યોગ છે. વધુ સફળતા માટે સૂર્યનારાયણને જળ અર્પણ કરો. આ સિવાય હનુમાન ચાલીસાનો પાઠ કલ્યાણકારી સાબિત થશે.