આજે બોલિવૂડ અભિનેતા રાકેશ રોશન, અભિનેત્રી શરગુન મહેતા અને સાયંતની ઘોષનો જન્મદિવસ છે. આ તમામ કલાકારોને તેમજ આજે જે લોકોનો જન્મદિવસ છે એ તમામ લોકોને જન્મદિવસની શુભકામનાઓ.
નવા વર્ષનો રજત પાદ સાથે પ્રવેશ થઈ રહ્યો છે. સપ્ટેમ્બર મહિનામાં જાતકોને રાજકારણના ક્ષેત્રમાં લાભ મળી શકે છે. ઓક્ટોબર મહિનામાં ગ્રહોની ચાલ મધ્યમ છે, ગુપ્ત શત્રુઓના ષડયંત્રથી બચવાનો પ્રયત્ન કરવો. નવેમ્બરથી ડિસેમ્બરના અંત સુધી પૂર્વાપેક્ષા શુભ રહેશે. ધનનો ઉપયોગ કરશો તો વધારે લાભ મળશે. કુશળ જાતકોનું નસીબ જાન્યુઆરી, ફેબ્રુઆરી, માર્ચ 2023 સુધી જાગશે.
બુધના સહયોગથી મોટા ભાગના જાતકોના બૌદ્ધિક, ધાર્મિક અને વ્યાવસાયિક પ્રયત્નો સાર્થક રહેશે. એપ્રિલ અને મે મહિનામાં અમુક બિનજરુરી ષડયંત્રોને કારણે મુશ્કેલીનો સામનો કરવો પડી શકે છે. બૌદ્ધિક કાર્યો સાથે જોડાયેલા મહાનુભાવો જૂન મહિનામાં પોતાના કામકાજમાં વિસ્તાર કરશે. જો જાતક નોકરિયાત છે, તો જુલાઈથી ઓગસ્ટ મહિના સુધીમાં સામાન્ય પ્રયત્ન માત્રથી મનગમતા સ્થળ પર બદલી થઈ શકે છે.
સપ્ટેમ્બરથી લઈને ઓક્ટોબર સુધી તમામ સ્થિતિ સામાન્ય સુખદ રહેશે. મહિલાઓ માટે આ વર્ષ વધારે લાભકારી સાબિત થઈ શકે છે. વિદ્યાર્થી નિયમિત મહેનત કરશે તો સફળતા પ્રાપ્ત થઈ જશે. મંગળ તમારી રાશિ માટે યોગ્ય નથી, માટે શ્રી સુંદરકાંડ પાઠ દરરોજ રાત્રે આઠ વાગ્યે કરવો તેમજ શુદ્ધ ઘીનો દીવો 40 દિવસ સુધી કરવો.