4th September Birthday Horoscope: મનોકામના પૂર્ણ થશે અને સમસ્યાઓ ઉકેલાઈ જશે

આજે એક્ટ્રેસ ડેલનાઝ ઈરાની અને રાગિની નંદવાનીનો જન્મદિવસ છે. આજે જન્મેલા તમામ જાતકોને જન્મદિવસ અને ઉજ્જવળ ભવિષ્યની હાર્દિક શુભકામના. જાણો, કેવું રહેશે આજે જન્મેલા જાતકોનું આગામી એક વર્ષ.

આ વર્ષના સ્વામી ગુરુ રાહુ અને કેતુની વચ્ચે ફસાયેલા છે એટલે વર્ષ મિશ્ર ફળકારક છે. સપ્ટેમ્બરના બાકીના દિવસોમાં મહત્વાકાંક્ષી પ્રકૃતિના લોકોની મનોકામના પૂર્ણ થશે. ઓક્ટોબરમાં નવી શોધ, રચનાત્મક કાર્યોમાં પ્રગતિ માટે પ્રયત્નશીલ રહેશો. સમાજમાં માન-પ્રતિષ્ઠા વધશે.

નવેમ્બર અને ડિસેમ્બરમાં સ્પર્ધામાં તમારી જીત થશે. સફળતા માટે વાતચીતની શૈલી ગંભીર રાખો. જાન્યુઆરી અને ફેબ્રુઆરી 2023માં અનિચ્છાએ ક્યાંય જવું પડી શકે છે. માર્ચ અને એપ્રિલમાં પ્રવાસના યોગ બની રહ્યા છે. મેથી જૂન સુધીમાં મનની સમસ્યાઓનું સમાધાન પ્રકૃતિ સ્વયં કરી આપશે.

વર્ષનો ઉત્તરાર્ધ ખુશીઓ લઈને આવી રહ્યો છે. જુલાઈમાં વાદ-વિવાદમાં શત્રુઓનો પરાજય થશે. ઓગસ્ટથી સપ્ટેમ્બરના પહેલા અઠવાડિયા સુધીમાં ગૃહ શાંતિ માટે દર ગુરુવારે ચણાની દાળમાં ગોળ ભેળવીને ગાયને ખવડાવો.