આજે ભારતીય ક્રિકેટર ઈરફાન પઠાણ અને બોલિવુડ એક્ટ્રેસ પૂજા બત્રાનો જન્મદિવસ છે. આ સેલિબ્રિટીઝની સાથે આજે જન્મેલા તમામ જાતકોને જન્મદિવસની ખૂબ-ખૂબ શુભકામના. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો આ વર્ષ સિંહ લગ્નમાં પ્રવેશ કરી રહ્યું છે. વર્ષના સ્વામી સૂર્ય અને મંગળ ગ્રહ છે. મોટાભાગના જાતકોને નોકરી-વ્યવસાય ક્ષેત્રે વિશેષ ઉપલબ્ધિઓ મળશે. ઓક્ટોબરના બાકીના દિવસો અને નવેમ્બરમાં સ્વબળે ઉચ્ચ સ્તરનો રોજગાર પ્રાપ્ત કરશો. બૌદ્ધિક કાર્યો સાથે જોડાયેલા જાતકોને પણ લાભ થશે. ટેક્નિકલ ક્ષેત્રે સાથે જોડાયેલા લોકોને ડિસેમ્બર અને જાન્યુઆરી 2020 અંતર્ગત સાર્વજનિક જીવનમાં વિશેષ પ્રતિષ્ઠા પ્રાપ્ત થશે. કેટલાક લોકોને ફેબ્રુઆરી અને માર્ચમાં માતા-પિતા તરફથી પરેશાની ઉઠાવવી પડી શકે છે. ઘરેલુ કામમાં વ્યસ્તતા વધારે રહેશે. એપ્રિલ-મે મહિનામાં સંઘર્ષ બાદ સફળતા વધશે. જૂન-જુલાઈ મહિનો વિશેષ ભાગ્યવર્ધક છે. ઓગસ્ટમાં નજીકના લોકો સાથે વિવાદ વધશે. સપ્ટેમ્બરમાં વિવાહ જેવા પ્રસંગો પાછળ ખર્ચો થશે. વિદ્યાર્થીઓને નિયમિત પરિશ્રમથી વાસ્તવિક સફળતા અથવા લક્ષ્યની પ્રાપ્તિ થશે. ઓક્ટોબર 2020ની શરૂઆતમાં શરીરને પીડાથી છૂટકારો મળશે.