Birthday: 14th June
આજે બોલિવૂડ સિંગર અને મ્યુઝિશિયન મીનલ જૈનનો જન્મદિવસ છે. મીનલ સાથે આજે સંગીતકાર પ્રીતમ અને અભિનેતા શેખર સુમનનો પણ જન્મદિવસ છે. આજે જન્મેલા તમામ જાતકોને જન્મદિવસની હાર્દિક શુભેચ્છાઓ. જાણો આપનું આગામી વર્ષ વિશે શું ભવિષ્યવાણી કરવામાં આવી છે. આ વર્ષ ગુરુ, મંગળના પ્રભાવ ક્ષેત્રમાં રહેશે. જૂનના બાકીના દિવસો વેપારી વર્ગ માટે માટે સારા રહેવાના છે, જુલાઈથી ઓગસ્ટ સુધી સારી તકોની પ્રાપ્તિ થશે. ગયા વર્ષના તમામ બાકી પ્રસંગ આ વર્ષે પૂર્ણ કરશો. સપ્ટેમ્બરમાં પ્રવાસનો યોગ રહેલો છે, પ્રવાસથી લાભનો યોગ છે. તમારા કામની પ્રશંસા થશે. ઓક્ટોબર અને નવેમ્બરમાં ભાગ્યવર્ધક કાર્યક્ષેત્ર સાથે જોડાયેલા રહેશો. તો ડિસેમ્બરમાં તમારી કાર્ય કુશળતા અને એકાગ્રતાના કારણે જોખમી કાર્ય પણ સરળ થઈ જશે. જાન્યુઆરી 2020થી તમારા જીવન સ્તરમાં સુધારો આવશે, ફેબ્રુઆરીમાં નવી વ્યક્તિઓને મળવાનું થશે, ગુપ્ત શત્રુઓથી સાવધાન રહેવાની જરુર છે. લોકો તમારી કાર્ય કુશળતાની પ્રશંસા કરશે. માર્ચથી એપ્રિલમાં જો કોઈ કષ્ટ ચિંતા હોય તો શનિવારે સવારે સ્ટીલની વાડકીમાં સરસિયાનું તેલ ભરીને તેમાં પોતાના મોઢાનું પ્રતિબિંબ જોઈને તે તેલ દાન કરી દો. આ રીતે પાંચ શનિવાર આ પ્રયોગ કરવાથી ઘરમાં સુખ શાંતિ બનેલી રહેશે. મહિલાઓને પતિની નશાખોરીથી પરેશાન થવું પડશે. વિદ્યાર્થીઓનું વર્ષ ઉત્તમ રહેશે.