સપ્ટેમ્બરનો મહિનો જ્યોતિષશાસ્ત્રની દ્રષ્ટીએ તમારા માટે ખૂબ ખાસ બની રહેવાનો છે. મહિનાની પહેલી તારીખથી શુક્ર પોતાની રાશિ તુલામાં પ્રવેશી રહ્યો છે. તો તારીખ 2થી બુધ સિંહ રાશિમાં પ્રવેશી રહ્યો છે. જ્યારે 6 સપ્ટેમ્બરથી શનિ પણ પોતાની ચાલ બદલી રહ્યો છે. હવે શનિ મહારાજ વક્રી ચાલ છોડીને સીધા ચાલશે. તો મહિનાના મધ્યમાં સૂર્ય મિથુન રાશિમાં આવી જશે. ગ્રહોની સ્થિતિમાં ફેરફારથી અનેક રાશિઓ પર જુદી જુદી અસર પડશે. ત્યારે જાણો તમારી રાશિ પર શું અસર પડશે….
મેષ
મહિનાના પ્રથમ સપ્તાહમાં વેપાર ધંધામાં મંદીની અસર દેખાઈ શકે છે. તો તમારા વેપાર-ધંધામાં મોટુ પરિવર્તન પણ આવી શકે છે. આ સમય દરમિયાન પ્રોફેશનલ મોર્ચે મોટું રોકાણ કરવાથી નુકસાન જોવું પડે. આ માટે સાવધાન રહો કોઈ પણ પ્રકારનું નવું રોકાણ ન કરો. બસ થોડી ધીરજ રાખો તમારા દ્વારા પહેલા કરવામાં આવેલ રોકાણ જ તમને જબરજસ્ત લાભ આપી શકે છે. બીજા સપ્તાહમાં પોતાની આળસ ખંખેરીને તમે કંઈક નવું કરવાનો પ્રયાસ કરશો. મોસાળ પક્ષ તરફથી સંબંધોમાં સુધારો થશે. નોકરીયાત વર્ગને બઢતી પ્રમોશનના ચાન્સ મળશે. આરોગ્યમાં પેટ સંબંધી રોગથી બચીને રહેવું. વાયરલ ઇંફેક્શનથી બચીને રહેવું. શત્રુઓ પર વિજય પ્રાપ્તિના યોગ છે.
વૃષભ
વ્યવસાયને ધ્યાને રાખીને ઉધારી સંબંધીત સકારાત્મક કાર્ય થશે. તમારા માટે આ મહિનો પણ રોકાણ કરવા માટે શુબ છે. ગત મહિનાથી બુધનો સહયોગ તમને નથી મળી રહ્યો જેના કારણે વાતચીત અને સંવાદ તેમજ વાણી વ્યવહારમાં તમે નબળા પૂરવાર થઈ રહ્યા છો. ક્યારેક પોતાનું જ નુકસાન થઈ જાય તેવું બોલી જતા હશો. જોકે આ સમસ્યાના સમાધાન માટે ભગવાન વિષ્ણુની પૂજા કરો અને વિષ્ણુસહસ્ત્રનો પાઠ કરો. તુલસીના કુંડા પાસે પ્રતિ દિવસ સવાર સાંજ દિવો કરો. આ બધા ઉપાય તમારા માટે આર્થિક પ્રગતિના દરવાજા ખોલવામાં મદદરુપ થશે. તમે સંપત્તિના મામલે ખૂબ ધ્યાનપૂર્વક આગળ વધશો. આ મહિના દરમિયાન તમને ખ્યાલ આવશે કે પોતાનામાં જ રહેલ ક્ષમતા અને કુળશતાનો પૂર્ણરુપે માનસિક રીતે તૈયાર થઈને ઉપયોગ કરવાથી તમારી કાર્યક્ષમતા જ નહીં આર્થિક પરિસ્થિતિ પણ સુધરશે.
મિથુન
આ મહીનામાં મોટાભાગનો સમય તમે પ્રેમ સંબંધો અથવા વિપરિત જાતિના વ્યક્તિના વિચારમાં ખોવાયેલ રહેશો. અવિવાહિત વ્યક્તિઓ માટે યોગ્ય જીવનસાથી મળવાની શક્યતા વધુ છે. નવા સંબંધોની શરુઆતના યોગ છે. ધ્યાન-પૂજા પાઠમાં વધુ સમય પસાર કરશો. ગુરુના સાનિધ્યમાં લાભ પ્રાપ્ત થશે. દંપત્તિને સંતાન સંબંધી સુખ પ્રાપ્ત થઈ સકે છે. વિદ્યાર્થીઓને ઉચ્ચ અધ્યયનમાં સફળતા મળી શકે છે. પરંતુ અન્ય બાબતે કાર્યમાં અડચણ આવી શકે છે. તમારા અટકેલા કાર્યોમાં વાતચીતથી સમાધાન આવશે. પરિવારજનો સાથે પિકનિકનો કાર્યક્રમ બનાવો જેથી માનસિકરુપે ફ્રેશ અનુભવશો. મોસાળ પક્ષ તરફથી સહયોગ મળશે. નોકરિયાત વર્ગ માટે સારો સમય છે કામકાજના સ્થળે પ્રગતિ કરી શકો છો.
કર્ક
આ મહિનો તમને મિશ્રફળ આપશે. કરિયર-વેપારમાં સ્થિતિ સામાન્ય રહેશે પરંતુ કોઈ ઉચ્ચ અધિકારી પાસેથી લાભ મળી શકે છે. આર્થિક સ્થિતિ મજબૂત બને અને પારિવારિક જીવન સુખમય રહે. પરંતુ કોઈ મિત્ર તરફથી વિશ્વાસઘાતની શક્યતા છે. આથી કોઈના પર પણ સમજી વિચારીને જ વિશ્વાસ કરવો. સ્વાસ્થ્ય સામાન્ય રહે પરંતુ આંખ, પેટ અને સાંધાના દુઃખાવાથી સંભાળવું. વ્યર્થ ખર્ચ કરવાથી બચો. શુભ ફળ માટે કોઈ નારિયેળમાં ખાંડ કે બૂરુ ભરીને કીડીઓને ખવડાવો.
સિંહ
મહિનાની શરુઆતનો સમય તમારા સ્વાસ્થ્ય માટે લાભકારી સાબિત થશે. ખાસકરીને એસિડિટી, ખીલ, ત્વચા પર છાલા પડવા, આંખમાં બળતરા જેવી સમસ્યાનું ધ્યાન રાખો. છુટક કામકાજ સાથે સંકળાયેલા જાતકોને મોટો ઓર્ડર મળી શકે છે. નોકરીમાં બોસ તમારા કામથી ખુશ રહેશે. અટકી પડેલા સરકારી કામમાં સફળતા મળશે. જો કે ઉગ્રતા અને આવેશનું પ્રમાણ વધારે રહેશે, માટે કોઈ પણ વ્યક્તિ સાથે વ્યવહાર કરતી વખતે ગુસ્સા પર કાબુ રાખો. તમને નોકરીમાં પ્રગતિની યોગ્ય તક મળશે. તમારા કોઈ શ્રેષ્ઠ કામનું પરિણામ તમને ધન પ્રાપ્તિ તરીકે મળી શકે છે. જીવનસાથી સાથે થઈ રહેલી ગેરસમજનું નિરાકરણ આવશે.
કન્યા
તમારી બોલીમાં અનોખી છટા જોવા મળશે અને તેના પ્રભાવથી તમે કોઈ પણ વ્યક્તિને પોતાની વાત મનાવી શકશો અને પોતાની મરજી અનુસાર કામ નીકાળી શકશો. આવક બાબતે પણ ચિંતા કરવાની જરુર નથી. વ્યવસાયમાં તમારી આશા પ્રમાણે પરિવર્તન આવશે. કુંવારા લોકો માટે વિવાહનો પ્રસ્તાવ આવી શકે છે. ક્યાંક બહાર જવાનો કાર્યક્રમ બનશે. વેપારમાં ધન લાભ થશે. પોતાની યોગ્યતા અને ક્ષમતાનો તમે સંપૂર્ણપણે લાભ ઉઠાવી શકશો. તમને નોકરીમાં યોગ્ય તક પ્રાપ્ત થશે.
તુલા
દાંપત્યજીવનમાં આનંદ રહેશે. તમે તમારા વ્યક્તિત્વ વિકાસ અને પર્ફોમન્સમાં આગળ વધવા માટે સક્રિય બનશો અને તેના માટે ખર્ચો કરવામાં પણ કોઈ કસર નહીં છોડો. નાટક, સંગીત વગેરેમાં સમય પસાર થશે. પ્રેમ સંબંધો માટે પણ અનુકુળતા વધશે. સંતાનની પ્રગતિ થશે. મહિનાની શરુઆતમાં પિતાની સંપત્તિ મળવાની અથવા તેને લગતી સમસ્યાનું સમાધાન તમારા પક્ષમાં આવે તેવી આશા રાખી શકો છો. પોતાની પ્રગતિ માટે કરવામાં આવેલા પ્રયાસોમાં સફળતા પ્રાપ્ત થશે. મહિનાના મધ્યભાગમાં સંબંધીઓ અને પાર્ટનર સાથેના સંબંધ સારા રહેશે. જો કે મહિનાના પાછળના ભાગમાં ઘર પરિવારમાં ખર્ચનું પ્રમાણ વધશે.
વૃશ્ચિક
ધાર્મિક પ્રસંગમાં જવાનો કાર્યક્રમ બનશે. અધ્યાત્મમાં રુચિ વધશે. ધાર્મિક કાર્યો, યાત્રા ઉપર ખર્ચની સંભાવના ઘણી વધારે છે. તમે દાન અને પરોપકારના કામ કરી શકો છો. સંતાન સંબંધી સમસ્યાઓ દૂર થશે. વિદ્યાર્થીઓના પ્રદર્શનમાં સુધારો આવી શકે છે. આ મહિનામાં ખાસકરીને મહેનત વધારે કરવી પડશે કારણકે ઓછી મહેનત કરીને ઉત્તમ પરિણામ મેળવવાની આશા અત્યારે રાખવા જેવી નથી. શેર અને બેન્કના કાર્યોમાં વ્યસ્ત રહેશો. ઉત્તરાર્ધ દરમિયાન વધારે આવક થાય તેવી શક્યતા છે. વૃદ્ધો, મિત્રો અને મોટા ભાઈ-બહેનો તરફથી સહયોગ મળશે.
ધન
વર્તમાન સમયમાં ગ્રહોનો સાથ મળવાના કારણે મહિનાની શરૂઆતથી જ તમે આનંદ, મોજ-શોખ અને પાર્ટી કરવામાં વ્યસ્ત રહેશો. ઘર-પરિવાર, સંબંધીઓ તથા બાળકો સાથે વ્યસ્ત રહેશો. નોકરીમાં આર્થિક લાભ મળશે. આ સ્થિતિમાં વધારે પડતું ખાવાથી સ્વાસ્થ્ય સંબંધી સમસ્યા ઉત્પન્ન થઈ શકે છે. તમારા ધંધાનો વિકાસ અને વિસ્તાર થશે. નવી નોકરી મળવાની સંભાવના છે. આર્થિક આવકના સ્ત્રોતમાં આમૂલ પરિવર્તન કરો તેની શક્યતા છે.
મકર
અત્યારે તમારામાં પ્રચૂર માત્રામાં શક્તિનો સંચાર થશે પરંતુ જો તમારી શક્તિઓને યોગ્ય દિશામાં ન વાળી તો મોટું નુકસાન થઈ શકે છે. જે જાતકોને હાડકાં, આંખો, સ્નાયુ, એલર્જી સંબંધિત બીમારી છે તેમણે પહેલા પંદર દિવસ ખાસ કાળજી રાખવી. જો કે પ્રથમ અઠવાડિયા બાદ આ સ્થિતિમાં ક્રમશઃ સુધારો થશે. જીવનસાથીના મામલે વિચારીને નિર્ણય લેવો. મહિનાના ઉત્તરાર્ધમાં જમીન-મકાનના કામકાજ રોકવાથી અને થોડી રાહ જોવાથી લાભ થશે. જીવનસાથીના કારણે લાભ થઈ શકે છે, તે તમારા કામમાં મદદરૂપ થશે. 20 તારીખ બાદ વ્યાવસાયિક સ્તરે કામકાજમાં સુધારો થવાના યોગ છે. જેના કારણે તમારા ઉત્સાહમાં વૃદ્ધિ થશે. નોકરિયાત વર્ગ હાથમાં આવેલા કાર્યને સરળતાથી પૂર્ણ કરી શકશે અને આત્મવિશ્વાસ વધશે.
કુંભ
મહિનાના પ્રારંભિક સમયમાં ગ્રહોની સ્થિતિ થોડા અંશે તમારા પક્ષમાં દેખાઈ રહી છે. તમારા કામકાજમાં થોડી પ્રગતિ થશે. મહિનાના પૂર્વાર્ધમાં નોકરિયાત વર્ગને સહકર્મીઓ તરફથી સહાય મળશે. જો જાતકો પોતાનો ધંધો કરે છે તેમને પણ લાભ થશે. નવા અસાઈનમેન્ટ અને નવા ક્લાયંટ મળવાથી આવકમાં વધારો થશે. તમારા હાથ નીચે કામ કરતા વ્યક્તિઓની સમર્પણ ભાવના સાથે તમને મદદરૂપ થવાની કોશિશ કરશે. વરિષ્ઠ અધિકારીઓ પણ તમારા પક્ષમાં રહેશે. જીવનસાથીને કષ્ટ ના થાય તેનું ધ્યાન રાખવું. આ સમય દરમિયાન કોઈ ખોટો નિર્ણય લેશો તો જીવનભર તેનું પરિણામ ભોગવવું પડશે. સમજી-વિચારીને કામ કરવું.
મીન
હવે તમારે દરેક વસ્તુનું મહત્વ અને મૂલ્ય સમજવું પડશે. તરત જ પૈસા પ્રાપ્ત થશે તેવી આશા ન રાખો અને બીજાના ભરોસે ના રહો. મીન રાશિની ખાસિયતો આ મહિને દેખાય તેવી સંભાવના છે. મીન જાતક પ્રેમના મામલે સરળ અને ભાવુક પરંતુ વ્યવહાર કુશળ હોય છે. આ સિવાય તમારામાં કંઈક નવી વસ્તુઓ ઉત્પાદિત કરવાની રૂચિ હોય છે. સૂર્ય બળવાન હોવાના કારણે આત્મવિશ્વાસ વધશે સાથે જ આ સમયે તમે જીવનના દરેક ભૌતિક સુખ-વૈભવનો ભરપૂર લાભ લેવાનો પ્રયાસ કરશો. આ સમય દરમિયાન તમે બેહિસાબ અને છૂટ્ટા હાથે પૈસા ખર્ચો તો નવાઈ નહિ. મિત્રતા જાળવી રાખવા માટે અત્યારે મંગળ-કેતુ સાથે હોવાના કારણે ગુસ્સા પર નિયંત્રણ રાખવું જરૂરી છે સાથે જ મિત્રો સાથે વ્યવહાર ન બગડે તેનું ધ્યાન રાખવું.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.