Scorpions As Lovers Know All About Scorpions Astrology Tips In Gujarati
પાર્ટનરની રાશિ વૃશ્ચિક છે? તો આ અવશ્ય વાંચો
Agencies10 Oct 2017, 2:32 pm
વૃશ્ચિક રાશિઃ
રાશિ ચક્રમાં આઠમા ક્રમે આવતી રાશિ વૃશ્ચિક રાશિ બીજી બધી રાશિઓ કરતા કંઈક હટકે જ છે. આ જળરાશિને સૌથી વફાદાર રાશિઓમાંની એક ગણવામાં આવે છે. તે ખૂબ જ સિડ્યુસિવ હોય છે અને તેમની પર્સનાલિટી ખૂબ જ આકર્ષક હોય છે. પ્રેમ અને સેક્સની બાબતમાં તેમને કોઈ પહોંચી શકતુ નથી. તેમનામાં આ સારા ગુણ હોવા છતાંય જાણી લો કે એક લવર તરીકે તેમનામાં કેવા ગુણ હોય છે. આટલું જાણી લેશો તો વૃશ્ચિક રાશિના પાર્ટનરને સમજવામાં તમને મુશ્કેલી નહિ પડે.
ડોમિનેટિંગઃ
એ વાતમાં તો કોઈ શક નથી કે વૃશ્ચિક રાશિના જાતકો સ્વભાવે ડોમિનેટિંગ હોય છે. અર્થાત્ તેમને પોતાના પાર્ટનર પર પોતાની મરજી ચલાવવી ગમે છે. તેમને પોતાની લાઈફના બધા જ નિર્ણયો જાતે લેવા ગમે છે અને જો તમે તેમની સાથે સંકળાશો તો તે તમારા જીવનના પણ નિર્ણયો લેવા માંડશે. તેમને એવો વહેમ હોય છે કે તેમને બધી જ ખબર છે અને તે ક્યારેય પોતાની ભૂલ સ્વીકારતા નથી. જો તમે સ્કોર્પિયોને ડેટ કરતા હોવ તો ખાસ ધ્યાન રાખો કે તમે તેમના ઈગોને ક્યારેય ઠેસ ન પહોંચાડો.
પોતાની વાતો છાની રાખે છેઃ
જો વૃશ્ચિક રાશિનું પાર્ટનર ફેસબુક પર પોતાનું સ્ટેટસ અપડેટ નથી કરતું તો તેનો અર્થ એ નથી કે તે તમારી સાથે ચીટીંગ કરે છે. વૃશ્ચિક રાશિના લોકોનો સ્વભાવ જ એવો હોય છે કે તેમને પોતાની બધી જ વાતો ગુપ્ત રાખવી ગમે છે. તમે જો વૃશ્ચિક રાશિની વ્યક્તિ સાથે રિલેશનશીપમાં હોવ તો તેમની પ્રાઈવસીને માન આપતા શીખો નહિ તો ડખા ઊભા થશે.
ઈર્ષાળુ સ્વભાવઃ
એવું નથી કે તે તમારી વફાદારી પર શંકા કરે છે પણ તે તમારા લાઈફમાં અન્ય સ્ત્રી કે પુરૂષના આગમનથી અનકમ્ફર્ટેબલ ફીલ કરે છે. તેમને ઈર્ષા પણ થાય છે અને તે આ સંબંધને તમારી સાથેની રિલેશનશીપ માટે જોખમ સ્વરૂપે જોય છે. આથી વૃશ્ચિક રાશિનો પાર્ટનર હોય તો ખાસ ધ્યાન રાખો કે તમે તેને હંમેશા સૌથી વધારે મહત્વ આપો અને તેમને અહેસાસ કરાવો કે તમે તેમને કેટલો પ્રેમ કરો છે. આથી જાહેરમાં થોડુ ચોંટવું પડે કે પછી પ્રેમ જતાવવો પડે તો શરમાવવું નહિ.
સારા જાસૂસ હોય છેઃ
આ રાશિના લોકો સ્વભાવે શંકાશીલ હોય છે. તેમનામાં જાસૂસ બનવાના ગુણો જન્મજાત જ હોય છે. તે તેમની આસપાસ બનતી ઘટનાઓને ખૂબ જ ધ્યાનથી જોય છે અને તેમનો અંતરાત્માનો અવાજ સાંભળે છે. તમે જો કોઈ વૃશ્ચિક રાશિની વ્યક્તિ સાથે રિલેશનશીપમાં હોવ તો તેનાથી કશુ પણ છૂપાવાની મૂર્ખામી ન કરતા કારણ કે વહેલા અથવા મોડા તેમને તે ખબર પડી જ જશે અને પછી તેનુ પરિણામ સારુ નહિ આવે.
ખૂબ જ વફાદાર હોય છે.
વૃશ્ચિક રાશિના જાતકો માટે પ્રામાણિકતા એ સૌથી અગત્યની ચીજ છે. રિલેશનશીપમાં તે સામી વ્યક્તિને બરાબર પરખવાની કોશિશ કરે છે. તે પોતાની રિલેશનશીપમાં ખૂબ જ વફાદાર હોય છે અને પાર્ટનર પણ એટલું જ વફાદાર રહે તેવા પ્રયત્નો કરે છે. આથી જો તમે સિરીયસ રિલેશનશીપમાં પડવા માંગતા હોવ તો જ વૃશ્ચિક રાશિના જાતક સાથે પ્રેમમાં પડજો, ફ્લર્ટ કરવા માટે નહિ.
નિષ્ક્રિય માણસો પસંદ નથીઃ
આ રાશિના જાતકો હંમેશા એક્ટિવ રહે છે અને તેમના પાર્ટનર પાસે પણ તેમની આવી જ અપેક્ષા હોય છે. આ લોકોને ખબર હોય છે કે તેમને જીંદગીમાં શું જોઈએ છે અને તે કેવી રીતે મેળવવું. તે નિર્ણય લેવામાં ઝડપી હોય છે અને જો ગણતરી ઊંધી પડે તો શું કરવું તે પહેલેથી જ વિચારી લે છે. આથી જો તમે જલ્દી નિર્ણય ન લઈ શકતા હોવ તો તમને વૃશ્ચિક રાશિના જાતક સાથે રિલેશનશીપ ટકાવવામાં મુશ્કેલી પડશે.
પેશનેટ હોય છેઃ
આ રાશિના જાતકો ખૂબ જ ઉત્સાહી અને લાઈફ પ્રત્યે પેશનેટ હોય છે. તેમને ગાંડપણ વટાવે તેવી ચીજો કરવી ગમે છે અને તે લાઈફને વધુમાં વધુ એન્જોય કરવામાં માને છે. પાર્ટીની વાત આવે તો તે દિલોજાનથી પાર્ટી એન્જોય કરે છે. આથી જો તમે પણ લાઈફ પ્રત્યે આવો જ દૃષ્ટિકોણ ન ધરાવતા હોવ તો વૃશ્ચિક રાશિની વ્યક્તિ સાથે તમારી નહિ જામે.
ગૂઢ વ્યક્તિત્વના સ્વામીઃ
આ રાશિના જાતકો ભલે એક્સ્પ્રેસિવ અને ઓપન લાગે પરંતુ તે વાસ્તવમાં ખૂબ જ ગૂઢ હોય છે. તેમને ખબર હોય છે કે તેમને શું છૂપાવવું છે અને શું શેર કરવું છે. તમે તેમને ડેટ કરતા હોવ ત્યારે તે તમારા વિષે ઘણુંબધુ જાણી લેશે પણ તમે તેમના વિષે બહુ નહિ જાણી શકો.
ક્યારેક જ ગુસ્સે થાય છે પણ…
વૃશ્ચિક રાશિના જાતકો જલ્દી ગુસ્સે નથી થઈ જતા પરંતુ જ્યારે પણ તે ગુસ્સે થાય ત્યારે સમજો જાણે જ્વાળામુખી ફાટ્યો. તે પોતાની જાતને ખૂબ જ કંટ્રોલમાં રાખે છે અને શક્ય ત્યાં સુધી મગજ ઠંડુ રાખવાની કોશિશ કરે છે પરંતુ હાથમાંથી બાજી સરકતી લાગે ત્યારે તેમનું મગજ ફાટે છે. આથી તમારા પાર્ટનર વૃશ્ચિક રાશિના હોય તો ખાસ ધ્યાન રાખો કે તમે તેમને ગુસ્સે થવાનું કોઈ કારણ ન આપો. તેમનું ગુસ્સાવાળુ સ્વરૂપ તમને નહિ ગમે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.