કન્યા રાશિ માટે નવા વર્ષમાં હશે કભી ખુશી કભી ગમ, જાણો રાશિફળ
I am Gujarat1 Nov 2018, 2:34 pm
કેવુ રહેશે 2019?
નવુ વર્ષ તમને મિશ્રફળ આપનારુ પુરવાર થશે. તમારા જીવનમાં ઉતાર-ચડાવ આવ્યા કરશે પણ તમારી આર્થિક સ્થિતિમાં ઘણો સુધારો જોવા મળશે અને આવકમાં પણ સારો વધારો થશે. તમે પોતાના વાકચાતુર્યથી ધંધા-નોકરી ક્ષેત્રે સારી સફળતા મેળવી શકશો. આવક વધશે પરંતુ સાથે સાથે ખર્ચા પણ વધશે તમારુ પારિવારિક જીવન પણ સંતોષકારક રહેશે. જાણો તમારુ વિગતે રાશિફળ.
કાર્યક્ષેત્રઃ
તમારી કારકિર્દી માટે આગામી વર્ષ એવરેજ પુરવા થશે. અમુક વાર તમે અપસેટ થશો તો અમુક પ્રસંગે તમને ઘણી સારી સફળતા મળશે. તમારા વાકચાતુર્યના કારણે તમે કારકિર્દીમાં આગળ આવશો. આ ગાળામાં ફિલ્ડ વર્કમાં તમને સારી સફળતા મળવાની શક્યતા છે. જાન્યુઆરી-ફેબ્રુઆરી, મે-જૂનના ગાળામાં તમે નોકરી બદલી શકો છો અથવા તો નવી જગ્યાએ તમારી ટ્રાન્સફર થઈ શકે છે. સેલેરીમાં વધારાના પ્રબળ યોગ છે. બિઝનેસ હશે તો તમને સારી સફળતા મળશે અને તમે તમારા આર્થિક ધ્યેય હાંસલ કરી શકશો.. નવેમ્બર ડિસેમ્બરના ગાળામાં તમારે કામ પર વધુ ધ્યાન કેન્દ્રિત કરવુ પડશે. આ ગાળામાં ગોસિપમાં શામેલ થવાનું ટાળજો નહિ તો મુશ્કેલીમાં મુકાશો.
આર્થિક જીવનઃ
જાન્યુઆરી, ફેબ્રુઆરી અને માર્ચ મહિનામાં તમે વિવિધ સોર્સમાંથી કમાણી કરશો પરંતુ તમારા ખર્ચા પણ વધશે. વર્ષના પાછળના ભાગમાં પણ તમે સારી એવી કમાણી કરી શકશો. જો તમે સ્ટોક માર્કેટમાં રોકાણ કરતા હશો તો આવતુ વર્ષ તમારા માટે ફાયદાકારક પુરવાર થાય તેવી શક્યતા છે. ઓગસ્ટ તથા સપ્ટેમ્બર મહિનામાં થોડુ સંભાળવું. આખા વર્ષ દરમિયાન આર્થિક પરિસ્થિતિ તમારી તરફેણમાં રહેશે.
અભ્યાસઃ
તમને આ વર્ષે નવા નવા વિષયોનો અભ્યાસ કરવાનુ મન થશે અને પોતાની આંતરિક શક્તિનો અનુભવ થશે. આ વર્ષે તમે અભ્યાસમાં વધારે ગંભીર બનશશો. જો તમે લગનથી અભ્યાસ ચાલુ રાખશો તો આ વર્ષે દરેક પરીક્ષામાં તમને ઝળહળતી સફળતા મળશે. પ્રતિસ્પર્ધાત્મક પરીક્ષા માટે પ્રયત્ન કરતા હશો તો તમારે 2019માં વધારે મહેનત કરવી પડશે. વર્ષના છેલ્લા મહિનાઓમાં તમે પરીક્ષામાં ઘણુ સારુ પરફોર્મ કરી શકશો.
પારિવારિક જીવનઃ
આ વર્ષે તમારુ પારિવારિક જીવન પણ એવરેજ જ જશે. તમારે નોકરી-ધંધા માટે પરિવારથી દૂર રહેવાનું થઈ શકે છે. તમારા અંગત જનોનું ધ્યાન રાખવુ. તેમની સાથે સંઘર્ષ ટાળવો જોઈએ. ખાસ કરીને તમારા માતા-પિતાનું ધ્યાન રાખવું. કંઈપણ સ્થિતિ ઊભી થાય, તેમની સાથે વાત કરવાનું બંધ ન કરશો. તમારા ભાઈ-બહેનનું સ્વાસ્થ્ય લથડી શકે છે અને તેમને કારકિર્દી કે અભ્યાસમાં પણ તકલીફનો સામનો કરવો પડી શકે છે. ઓક્ટોબર પછી ફેમિલી સાથે સારો સમય વીતાવી શકશો.
લવ લાઈફઃ
જાન્યુઆરીની શરુઆતમાં તમારા લાઈફ પાર્ટરની તબિયત લથડી શકે છે. આવતા વર્ષ દરમિયાન તમારે લગ્ન જીવનમાં અનેક પડકારોનો સામનો કરવો પડી શકે છે. જો કે અંતે તમારા લાઈફ પાર્ટનર સાથે તમારા સંબંધો મજબૂત જ બનશે. તમારી લવ-લાઈફ પણ ચડાવ ઉતારથી ભરપૂર હશે. નાની નાની વાતમાં તમારી ચિંતા કરવાની આદતને કારણે લવ લાઈફમાં પ્રોબ્લેમ થઈ શકે છે. અધીરાઈ અને ચીડિયાપણાને કારણે તમારી રિલેશનશીપ તૂટી શકે છે. જો પાર્ટનરને સમજવાની કોશિશ કરશો તો સારા સંબંધો જળવાઈ રહેશે. નવી રિલેશનશીપમાં આગળ વધવાની ઉતાવળ ભારે પડી શકે છે.
સ્વાસ્થ્યઃ
ગ્રહોની ચાલ જોતા સ્વાસ્થ્યની દૃષ્ટિએ પણ તમારા માટે નવું વર્ષ ઠીકઠાક જ રહેશે. વર્ષની શરૂઆતમાં તમે સ્વાસ્થ્ય પ્રત્યે જાગૃત રહેશો પણ ફેબ્રુઆરીથી એપ્રિલના ગાળામાં તમારુ સ્વાસ્થ્ય કથળી શકે છે. ઋતુ બદલાય તે ગાળઆમાં માંદા પડી શકો છો. આ ગાળામાં બહાર ખાવા-પીવાનું ટાળવુ. કામમાં વ્યસ્ત થતા તમે સ્વાસ્થ્યને અવગણશો પણ આ ભૂલ તમને ભારે પડી શકે છે. પૂરતી ઊંઘ અને આરામ લેવો. વર્ષના અંત ભાગમાં તમે વધારે હેલ્ધી અને ફિટ અનુભવશો અને તમારા કામ તથા પર્સનલ લાઈફ પર વધુ સારુ ફોકસ કરી શકશો.
ઉપાયઃ
ગીતા તથા ગોપાલ સહસ્ત્ર નામ સ્તોત્રનો જાપ કરવો. સમયાંતરે કિન્નરોને દાન આપી આશીર્વાદ લેવા. બુધવારે અને રવિવારે કાળ ભૈરવના દર્શન કરવા અને કાળા કૂતરાને રોટલી અને દૂધ ખવડાવવા.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.