આ ઉપાયથી દૂર થશે આર્થિક સમસ્યા
મહિનાના પહેલા દિવસે ગુરુવાર છે અને ચંદ્ર કુંભ બાદ ગુરુની રાશિ મીનમાં સંચાર કરશે. તેવામાં તે પીળા રંગનું કપડું લો અને તેમા એક નાળિયેર, ચાંદીનો સિક્કો, પીળી કોડી અને કેસર બાંધીને માતા લક્ષ્મીની સામે રાખો. ત્યારબાદ વિધિ-વિધાન સાથે માતા લક્ષ્મીની પૂજા કરો અને તે વસ્તુઓને પૂજા સ્થળ પરથી ઉઠાવી જ્યાં તમને ધન મૂકતાં હો ત્યાં રાખો. આમ કરવાથી આર્થિક સમસ્યા દૂર થાય છે અને પરિવારના સભ્યોની પણ પ્રગતિ થાય છે.
આ ઉપાયથી નોકરી અને વ્યવસાયમાં થશે પ્રગતિ
જો નોકરી અને વેપારમાં પરેશાનીઓ ચાલી રહી છે તો મહિનાના પહેલા દિવસે શુભ યોગની વચ્ચે મંદિરમાં હળદરની માળા લગાવો અને પીળા રંગના વસ્ત્ર પહેરીને કાર્યસ્થળ પર જાઓ અને કંઈક દાન પણ કરો. આમ કરવાથી લક્ષ્મી નારાયણની કૃપા પ્રાપ્ત થાય છે અને નોતરી તેમજ વેપારની સમસ્યા દૂર થઈને લાભનો માર્ગ ખુલે છે.
આ ઉપાય કરિયર અને પરિવાર માટે શુભ
ડિસેમ્બરના પહેલા દિવસે કેટલાક શુભ યોગ બની રહ્યા છે અને ગ્રહ-નક્ષત્રનો પણ શુભ પ્રભાવ જોવા મળશે. તેથી આ શુભ સમય પર શિવલિંગ પર જળ અર્પણ કર્યા બાદ 108 બિલિપત્ર પર સફેદ ચંદનથી ઓમ નમઃ શિવાય લખીને શિવલિંગ પર અર્પણ કરો. ત્યારબાદ શિવ લિંગાષ્ટકમ સ્ત્રોતનો પાઠ કરો. આમ કરવાથી કુંડળીમાં ગ્રહ-નક્ષત્રની સ્થિતિ અનુકૂળ રહે છે અને કરિયર તેમજ પરિવારમાં ચાલી રહેલી સમસ્યા દૂર થાય છે.
આ ઉપાયથી મળશે મા લક્ષ્મીની કૃપા
શુભ યોગનો લાભ ઉઠાવતાં શ્રી યંત્રની દૂધ અને જળથી વિધિપૂર્વક પૂજા-અર્ચના કરો. તે જળનો આખા ઘરમાં છંટકાવ કરો. ત્યારબાદ પાંચ કન્યાઓને ઘરમાં ભોજન કરાવો અને તુલની સવાર-સાંજ પૂજા કરો. શ્રીયંત્રની પૂજા બાદ તેને ઘરમાં ધન રાખવાની જગ્યા જેમ કે, તિજોરીમાં મૂકો. આમ કરવાથી મા લક્ષ્મીની વિશેષ કૃપા પ્રાપ્ત થાય છે અને આર્થિક સમસ્યા પણ દૂર થાય છે.
આ ઉપાયથી મા લક્ષ્મીનું થશે આગમન
આ શુભ યોગમાં આખા ઘરમાં સાફ-સફાઈ કરો તેમજ મનને શાંત અને પોઝિટિવ રાખો. ત્યારબાદ ઘરના મુખ્ય દ્વારા પર પાણીમાં હળદર ઉમેરો અને તેનાથી સ્વસ્તિકનું નિશાન બનાવો. તુલસીની પૂજા કરો અને વિષ્ણુ સહસ્ત્રનામની સાથે કનકધારા સ્ત્રોતનો પાઠ કરો. સાંજના સમયે મુખ્ય દ્વાર પર દીપક પેટાવો અને મંદિરમાં દર્શન કરો. આમ કરવાથી ઘરમાં માતા લક્ષ્મીનું આગમન થાય છે.