માર્ચ મહિનામાં આ ચાર રાશિઓના જાતકો કરી શકે છે સારી કમાણી, કોને કરવો પડશે મંદીનો સામનો?

March Horoscope: માર્ચ મહિનો જ્યોતિષની દ્રષ્ટિએ વિશેષ છે કારણકે સંવત બદલાઈ રહ્યું છે. 22 માર્ચથી નવું હિન્દુ વર્ષ શરૂ થઈ રહ્યું છે. સંવત 2080 શરૂ થશે જે પિંગળના નામે ઓળખાશે. આ સંવતના રાજા વેપાર અને બુદ્ધિને પ્રભાવિત કરતાં ગ્રહ બુધ છે. સંવતના મંત્રી શુક્ર રહેશે. એવામાં આ સંવતમાં બધી જ વસ્તુઓના ભાવમાં તેજી આવશે. ધાતુ અને અનાજમાં મંદી આવશે. રોકાણકારો નવા વર્ષમાં ઘણો ઉતાર-ચઢાવ જોઈ શકે છે. આ સંવતમાં સૂચના, ટેક્નિકલ અને ફિલ્મ તેમજ મનોરંજન ઉદ્યોગમાં તેજી રહેશે.

રોકાણ માટે વર્ષ સારું રહી શકે છે

માર્ચમાં બજારની પરિસ્થિતિ અને રાશિઓની વાત કરીએ તો 15થી 22 માર્ચ વચ્ચે માર્કેટ નીચે જઈ શકે છે. બેન્કિંગ, ફાઈનાન્શિયલ સંસ્થાઓ, રેટિંગ એજન્સીઓ અને કોમેડિટી કંપનીઓ સારું પ્રદર્શન કરી શકે છે. કેમિકલ અને સિમેન્ટ ઉદ્યોગમાં મંદીની સ્થિતિ રહી શકે છે. સાથે જ સોના અને ચાંદીમાં તેજી રહેશે. એકંદરે માર્ચ 2023માં રોકાણ માટે સારું રહેશે. એસ્ટ્રોલોજર અભિષેક કેડિયા પાસેથી જાણી લો કે, કઈ-કઈ રાશિઓના જાતકો માટે માર્ચ મહિનો ફાયદાકારક રહેશે અને કઈ-કઈ રાશિઓના જાતકોને સાવધ રહેવાની જરૂર છે? રોકાણ દ્વારા કઈ રાશિઓના જાતકોને લાભ થવાના યોગ બની રહ્યા છે?

કઈ રાશિઓને લાભ મળશે અને કોણે સતર્ક રહેવું?

દ્વિસ્વભાવની રાશિ મિથુન, કન્યા, ધન અને મીન માટે માર્ચ ઓછો લાભ આપનારો મહિનો રહેશે. તમારે લોકોએ ઈન્ટ્રા ડે ટ્રેડિંગ ના કરવું જોઈએ. નાણાંકીય વ્યવહારમાં સતર્કતા રાખવી. ચલ રાશિ મેષ, કર્ક, તુલા અને મકર રાશિના જાતકોએ સાવધાનીથી ઈન્ટ્રા ડે ટ્રેડિંગ કરવું. જોખમી રોકાણોથી દૂર રહેવું. નુકસાન થઈ શકે છે. સ્થિર રાશિ વૃષભ, સિંહ, વૃશ્ચિક અને કુંભ રાશિના જાતકો માટે સમય સારો છે. તમે ટ્રેડિંગ અને રોકાણ બંને માધ્યમ દ્વારા કમાણી કરી શકો છો.